Isaias 43:24 - Marahay na Bareta Biblia

²⁴ Dai mo ako ibinakal nin insenso o binasog kan mga taba kan saimong mga hayop. Alagad pinagabatan mo ako kan saimong mga kasalan; pinagal mo ako huli kan saimong kasombikalan.

Isaias 43:24 ပူးပေါင်းရင်းမြစ်များ

Salmo 95:10

Nabaldi ako sa henerasyon na idto sa laog nin kwarentang taon. Nagtaram ako, ‘Sinda sarong banwaan na nagkakasala sa puso, asin dai ninda sinusunod an sakong mga dalan.’

Exodo 30:34

Nagtaram an Kagurangnan ki Moises, “Kumua ka nin parareho kadakul na mga pahamot na estakte, onise, galbano asin purong kamangyan.

Exodo 30:7

Sa aga-agang pagmangno ni Aaron kan mga ilawan, tututongon niya sa altar an mahamot na insenso.

Isaias 1:14

Ikinakaongis ko an saimong mga pyesta kan Bagong Bulan saka itinalaan na mga pyesta; iyan sarong pagabat para sako; napapagal na ako sa pagpasan kaiyan.

Isaias 1:24

Kaya nagsasabi an Kagurangnan, an Makakamhan nin Israel: “Pahuhugpaon ko an sakong kaanggotan sa sakong mga kaiwal, asin mabalos ako.

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Ezekiel 16:43

Nalingawan mo kun pano taka inataman kan ika aki pa, asin pinaanggot mo ako huli kan gabos na ginibo mo. Kaya pinabayad taka kan gabos na iyan. Tadaw ta dinugangan mo nin karompotan an makauuyam na mga bagay na ginibo mo?” An Kagurangnan Dios an nagtaram.

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Levitico 3:16

An mga iyan tututongon kan padi duman sa altar bilang sarong dolot na pagkakan na an parong nawiwilihan nin Kagurangnan. An gabos na taba sadiri nin Kagurangnan.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Amos 2:13

Ngunyan, roronoton ko kamo sa daga, asin maagrangay kamo arog sa kariton na pano nin trigo.

Malakias 1:14

Humugpa logod an maldisyon sa paradaya na nagsasakripisyo sa sako nin mayong halagang hayop, mantang igwa man sana siya nin mga marahay na hayop na saiyang itinugang itatao sako! Dakula akong hade, asin kinakatakotan ako kan mga tawo sa gabos na nasyon.”