Isaias 43:23 - Marahay na Bareta Biblia

²³ Dai ka nagdara sako kan saimong karnero para sa tinutong na atang; dai mo ako inomaw kan saimong mga sakripisyo. Dai taka pinagabatan huli sa mga dolot ni pinagal huli sa paghagad nin insenso.

Isaias 43:23 ပူးပေါင်းရင်းမြစ်များ

Nehemias 13:10

Naaraman ko man na an mga parakanta asin an ibang mga Levita nagbalik sa saindang mga oma, huli ta dai sinda tinawan kan mga tawo kan saindang kahirasan.

Exodo 30:34

Nagtaram an Kagurangnan ki Moises, “Kumua ka nin parareho kadakul na mga pahamot na estakte, onise, galbano asin purong kamangyan.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Mga Talinhaga 3:9

Tawe nin kaomawan an Kagurangnan sa paagi nin pagdolot saiya kan pinakamarahay na bunga kan saimong daga.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Jeremias 7:21

“Banwaan ko, an ibang sakripisyo tinututong nindo sa altar, asin an iba itinutugot na kakanon nindo. Alagad ako, an Kagurangnan, nagsasabi na kakanon na sana nindo an gabos.

Jeremias 7:22

Kan iluwas ko sa Egipto an saindong mga ginikanan, dai ko ipinagboot sainda an manongod sa mga tinutong na atang o iba pang mga sakripisyo.

Levitico 2:1

Kun magdara nin trigo an siisay man tanganing idolot sa Kagurangnan bilang dolot na pagkakan, kaipuhan na gilingon niya ngona iyan na magin arina. Uulaan niya iyan nin lana nin oliba asin bubugtakan nin insenso sa ibabaw,

Levitico 24:7

Dangan bugtakan nindo nin purong insenso an lambang taytay bilang sarong giromdom na dolot na pagkakan sa Kagurangnan kasalihid kan tinapay.

Amos 5:25

“Banwaan nin Israel, dai ako naghagad nin mga sakripisyo o mga dolot kan pangenotan ko kamo sa desyerto sa laog nin kwarentang taon.

Mikas 6:3

Nagtataram an Kagurangnan, “Banwaan ko, ano an ginibo ko saimo? Paano ako nagin sarong pagabat saimo? Simbaga ako!

Malakias 3:8

Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Mateo 11:30

Huli ta masayon an sakuyang sakal asin magian an pasanon ko.”