Isaias 43:22 - Marahay na Bareta Biblia

²² Nagsasabi an Kagurangnan, “Alagad napagal ka sako, Israel; dai ka nagsamba sako.

Isaias 43:22 ပူးပေါင်းရင်းမြစ်များ

Salmo 14:4

“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

Salmo 79:6

Ulaan an saimong kaanggotan sa mga nasyon na dai nakakamidbid saimo, sa mga kahadean na dai nag-aapod kan ngaran mo.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Mikas 6:3

Nagtataram an Kagurangnan, “Banwaan ko, ano an ginibo ko saimo? Paano ako nagin sarong pagabat saimo? Simbaga ako!

Malakias 1:13

Minasabi kamo, ‘Pagal na kami sa paggibo kan gabos na ini!’ dangan tinatami-tamian nindo ako. Bilang dolot dinadarahan nindo ako nin hinabonan na hayop o sarong hayop na pilay o may helang. Sa paghona nindo, aakoon ko daw saindo an siring na dolot?

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

Malakias 3:14

Nagsabi kamong, ‘Mayong pakinabang an paglingkod sa Dios. Ano an halaga kan pagsunod sa sinasabi niya o an pagpahiling sa Kagurangnan nin mga hukbo na kita nagmomondo huli kan ginibo ta?