Isaias 43:21 - Marahay na Bareta Biblia

²¹ Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 43:21 ပူးပေါင်းရင်းမြစ်များ

Salmo 102:18

Isurat logod ini para sa maabot na henerasyon, tanganing an Kagurangnan omawon kan mga dai pa namundag.

Salmo 102:19

Duminungaw an Kagurangnan hale sa banal na lugar sa itaas; hale sa langit duminungaw siya sa daga,

Salmo 4:3

Giromdoma na pinili nin Kagurangnan para saiya an mga banal; dinadangog ako nin Kagurangnan kun siya sakong inaapodan.

Salmo 79:13

Dangan kami na saimong banwaan, mga karnero na saimong ataman, magpapasalamat saimo sagkod pa man; ika samong oomawon sa gabos na kapagarakian.

Mga Talinhaga 16:4

An gabos na ginibo nin Kagurangnan igwa nin katuyohan; asin an kataposan kan maraot iyo an kapahamakan.

Isaias 42:12

Magtao nin pag-omaw saka kamurawayan sa Kagurangnan an mga nag-eerok sa harayong mga daga!

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 50:7

Alagad dai ako makukulogan kan saindang mga pag-olog-olog huli ta tinatabangan ako kan Kagurangnan Dios. Inaandam ko na an sakong sadiri sa pagtios kan mga iyan. Aram kong dai ako mapapasopog,

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Jeremias 13:11

Siring kan habay na minahusto sa habayan, binoot kong maigot na mamugol sako an mga taga Israel saka an mga taga Juda. Ginibo ko ini tanganing sinda magin sakong banwaan saka magdara sinda nin kaomawan asin kamurawayan sa sakong ngaran; alagad habo ninda akong kuyogon.”

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Malakias 3:17

“Sinda an sakong magigin banwaan,” an sabi kan Kagurangnan nin mga hukbo. “Sa aldaw na humiro ako, masasadirihan ko sinda. Maheherak ako sainda siring na an sarong ama naheherak sa saiyang aking lalaki na naglilingkod saiya.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

Efeso 3:21

mapasaiya logod an kamurawayan sa simbahan, saka ki Cristo Jesus sa gabos na panahon sagkod pa man! Amen.

Colosas 1:16

Huli saiya linalang nin Dios an gabos na yaon sa langit asin sa daga, magin an mga bagay na nahihiling o an dai nahihiling: mga espiritwal na linalang, mga trono, mga pamamayo, mga prinsipado, saka mga awtoridad—gabos iyan linalang huli saiya asin para saiya.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Hebreyo 13:15

Kaya danay kitang magdolot nin atang nin pag-omaw sa Dios huli ki Jesus, pag-omaw na nagpapahayag kan satong pagmidbid sa saiya bilang Kagurangnan.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.