Isaias 43:16 - Marahay na Bareta Biblia

¹⁶ Kaidtong panahon an Kagurangnan naggibo nin sarong dalan sa dagat, sarong agihan sa dakulang katubigan.

Isaias 43:16 ပူးပေါင်းရင်းမြစ်များ

Nehemias 9:11

Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

Salmo 106:9

Pinagbotan niya an Dagat na Pula, kaya ini nagin mamara. Pinangenotan niya sinda sa paglakaw sa kairaroman, na garo naglalakaw sa desyerto.

Salmo 77:19

An mga alon saimong linakawan; inibong mo an hararom na dagat, alagad mayong nakahiling kan saimong inagihan.

Salmo 77:20

Siring sa sarong pastor, pinangenotan mo an saimong banwaan, sa pamamahala ni Moises saka ni Aaron.

Salmo 78:13

Binanga niya an dagat asin duman sinda pinalakaw; pinatindog niya an katubigan siring sa mga lanob.

Exodo 14:16

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Exodo 14:29

Alagad nagbaralyo sa dagat an mga Israelita na an linakawan iyo an mamarang daga, na nasa pagultanan kan duwang lanob nin tubig.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 44:27

Huli sa sarong pagboot pinaalang ko an dagat.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Isaias 51:15

“Ako an Kagurangnan na saindong Dios, na nagbubukag kan dagat asin nagpapahagubohob kan mga alon. Kagurangnan nin mga hukbo an sakong ngaran!

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.