Isaias 43:11 - Marahay na Bareta Biblia

¹¹ “Ako sana an Kagurangnan, asin pwera sako mayo na nin paraligtas.

Isaias 43:11 ပူးပေါင်းရင်းမြစ်များ

Salmo 3:8

An kaligtasan hale sa Kagurangnan; bendisyonan mo logod an saimong banwaan.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 19:20

An mga iyan an magigin tanda asin saksi kan presensya nin Kagurangnan nin mga hukbo sa Egipto.

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Isaias 44:8

Dai kamo matakot, sakong banwaan! Aram nindo na poon pa kaidto sagkod ngunyan hinulaan ko na an gabos na mangyayari, asin kamo an sakong mga saksi. Igwa pa daw nin ibang Dios? Igwa daw nin mapangyaring dios na dai ko pa nadangog?”

Isaias 60:16

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an Kagurangnan, an nagligtas saimo, na an mapangyaring Dios nin Israel an nagpatalingkas saimo.

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Jonas 2:10

Dangan pinagbotan nin Kagurangnan an sira na iluwa si Jonas sa baybayon, asin nagsunod ini.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Lukas 1:47

an sakong kalag nag-oogma sa Dios na sakong Paraligtas;

Lukas 2:11

Namundag ngunyan sa banwa ni David an saindong Paraligtas—an Mesias na Kagurangnan!

Mga Gibo 4:12

An kaligtasan makukua sana ki Jesu-Cristo; mayo na nin ibang ngaran na itinao an Dios sa bilog na kinaban na makakaligtas sato.”

Deuteronomio 6:4

“Dangoga, O Israel! An Kagurangnan—asin an Kagurangnan sana—iyo an satuyang Dios.

Tito 2:10

o maghabon, kundi magpahiling na danay sindang marahay saka maimbod, tanganing sa gabos nindang gibo, matawan nin kaomawan an katukdoan dapit sa Dios na satong Paraligtas.

Tito 2:13

mantang naghahalat kita kan paladan na Aldaw na satong linalaom, an pag-abot kan kamurawayan kan satong dakulang Dios asin Paraligtas na si Jesu-Cristo.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.

1 Juan 4:14

Nahiling mi saka ibinabareta mi sa iba na sinugo kan Ama an saiyang Aki tanganing magin Paraligtas kan gabos na tawo sa kinaban.

Judas 1:25

sa iyo sanang Dios na satong Paraligtas huli ki Jesu-Cristo na satong Kagurangnan, mapasaiya an kamurawayan, kamahalan, kapangyarihan saka an awtoridad, bago an gabos na panahon, ngunyan asin sagkod pa man! Amen.

Kapahayagan 1:11

na nagsabi sako, “Isurat mo sa sarong libro an nahihiling mo, pakatapos ipadara mo iyan sa pitong simbahan sa syudad nin Efeso, Esmirna, Pergamo, Tiatira, Sardis, Filadelfia saka Laodicea.”