Isaias 42:9 - Marahay na Bareta Biblia

⁹ Nagkatotoo na an mga bagay na sakong itinaram. Ngunyan sasabihan taka kan dapit sa bagong mga bagay maski dai pa ini nangyayari.”

Isaias 42:9 ပူးပေါင်းရင်းမြစ်များ

1 Mga Hade 11:36

Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Isaias 48:3

Nagsasabi an Kagurangnan sa Israel, “Kaidtong panahon hinulaan ko an mangyayari; dangan sa madali, pinangyari ko iyan.

Isaias 48:5

Kaya hinulaan ko an mga mangyayari saindo kaidto pang panahon, ipinahayag ko an mga mangyayari bago iyan nagkatotoo, tanganing dai kamo makapagsabi na iyan pinapangyari kan saindong mga dios-dios saka mga ladawan.

Isaias 48:6

“An gabos kong sinabi nangyari na ngunyan; kaipuhan akoon nindong totoo an sakong mga hula. Ngunyan sasabihan ko kamo dapit sa mga bagay na maabot pa, mga bagay na dai ko pa ipinahayag kaidto.

Juan 13:19

Sinasabi ko na ini saindo ngunyan, tanganing kun mangyari na ini, magtubod kamo na talagang ‘Ako Iyo Ako’.

Mga Gibo 15:18

Ini an sinasabi nin Kagurangnan, na nagpahayag kan mga bagay na ini haloy nang panahon.’

Josue 21:45

Inotob nin Kagurangnan an lambang saro kan saiyang mga panuga sa banwaan nin Israel.