Isaias 42:8 - Marahay na Bareta Biblia

⁸ “Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 42:8 ပူးပေါင်းရင်းမြစ်များ

Salmo 66:2

Mag-awit kamo sa kamurawayan nin saiyang ngaran; tawan siya nin mamurawayon na pag-omaw!

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Exodo 4:5

Nagtaram an Kagurangnan, “Arog kaiyan an gibohon mo tanganing tumubod an mga Israelita na nagpahiling saimo an Kagurangnan, an Dios kan saindang mga ginikanan, an Dios ni Abraham, ni Isaac, asin ni Jacob.”

Isaias 43:11

“Ako sana an Kagurangnan, asin pwera sako mayo na nin paraligtas.

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 48:11

Huli sa sako man sana, ginigibo ko iyan— dai ko itutugot na pagbasang-basangon an sakong ngaran o na may makihiras kan sakong kamurawayan, na para sa sako nanggad sana asin bakong sa kiisay pa man.”

Isaias 48:5

Kaya hinulaan ko an mga mangyayari saindo kaidto pang panahon, ipinahayag ko an mga mangyayari bago iyan nagkatotoo, tanganing dai kamo makapagsabi na iyan pinapangyari kan saindong mga dios-dios saka mga ladawan.

Isaias 48:6

“An gabos kong sinabi nangyari na ngunyan; kaipuhan akoon nindong totoo an sakong mga hula. Ngunyan sasabihan ko kamo dapit sa mga bagay na maabot pa, mga bagay na dai ko pa ipinahayag kaidto.

Jeremias 33:2

Tinaraman ako kan Kagurangnan, na naglalang kan daga saka nagporma kaiyan, asin nagbugtak kaiyan sa tamang lugar. Siya, na Kagurangnan an ngaran, nagtaram,

Daniel 5:4

Nag-irinom sinda nin arak, asin nag-oromaw sa mga dios-dios na gibo sa bulawan, plata, bronse, lansang, kahoy, saka gapo.

Juan 5:23

tanganing galangan kan gabos an Aki, arog kan paggalang ninda sa Ama. An dai minagalang sa Aki dai man minagalang sa Ama na nagsugo saiya.

Juan 8:58

Nagsimbag si Jesus, “Sa katotoohan sinasabihan ko kamo, na bago namundag si Abraham, ‘Ako iyo na’.”

Deuteronomio 28:58

“Kun bako kamong maimbod sa pagkuyog kan mga togon na nasusurat sa librong ini, asin kun dai kamo matakot sa ngaran nin Kagurangnan na saindong Dios,