Isaias 42:25 - Marahay na Bareta Biblia

²⁵ Kaya ipinamate niya sato an saiyang makuring kaanggotan, asin pinatios kan kadahasan nin gera. Arog sa kalayo, an saiyang kaanggotan naglaad sa bilog na Israel, alagad an nangyari dai ta nanggad aram; mayo kitang nanodan hale diyan.

Isaias 42:25 ပူးပေါင်းရင်းမြစ်များ

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

An Libro ni Job 40:11

Pabulosa an nagsusupay mong kaanggotan, asin hilinga an gabos na nagpapalangkaw, dangan saimong ibaba.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Isaias 47:7

Naghona ka na danay kang magigin reyna, kaya dai mo naisip an mga bagay na ini o nagiromdoman an magigin kataposan kaiyan.

Isaias 48:8

Aram kong dai kamo pwedeng paniwalaan, asin poon sa pagkamundag inapod na kamong mga matumang. Iyan an dahelan kun tadaw ta dai pa nindo nadangog an siring kaini, kun tadaw ta dai pa saindo kaiyan nin nakapagsabi.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 57:1

Nagagadan an mga matanos na tawo, asin mayong nakakasabot o nagmamakulog. Alagad pagkagadan ninda mayo na nin kasakitan na makakadotdot sainda.

Isaias 57:11

Nagsasabi an Kagurangnan, “Siisay an mga dios-dios na ini na natatakotan nindo, kaya nagibo nindong magputik sako asin malingawan ako? Dahelan daw an dai ko paggirong sa halawig na panahon kun kaya dai na nindo ako ginagalangan?

Isaias 9:13

Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Mga Panambitan 2:3

Sa labi-labing kaanggotan, rinonot niya an kosog nin Israel; sa atubang kan kaiwal, dai niya kami tinabangan. An kaanggotan niya samo siring sa kalayo na minaraot kan gabos.

Mga Panambitan 2:4

Arog sa kaiwal, an saiyang mga bosog ihinimunta niya samo; ginadan niya an gabos na nakakapaogma samo. An saiyang labi-labing kaanggotan namatean nyamo digdi sa Jerusalem.

Ezekiel 20:34

Ipapahiling ko saindo an sakong kaanggotan asin an sakong kapangyarihan kun tiponon ko na kamo hale sa gabos na daga na nagkawararakan saindo.

Oseas 7:9

asin dai ninda naaaraman na an pagsarig na ini sa mga dayuhan iyo an nagpaluya sainda. Nabibilang na an saindang mga aldaw, alagad dai pa ninda iyan aram.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.