Isaias 42:22 - Marahay na Bareta Biblia

²² Alagad sinamsaman ngunyan an saiyang banwaan; ibinilanggo saka tinago sa madiklom na mga bilanggoan. Hinabonan saka sinamsaman sinda, asin mayo nin siisay man na maligtas sainda.

Isaias 42:22 ပူးပေါင်းရင်းမြစ်များ

Salmo 102:20

tanganing dangogon an inagrangay kan mga bilanggo, asin patalingkason an mga nakondenar na magadan.

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Isaias 1:7

Rinaot an saimong daga, sinurulo an saimong mga syudad; sa atubang mo sinamsam nin mga dayuhan an saimong daga; rinaot ninda an gabos.

Isaias 14:17

Bakong rinaot niya an mga syudad, asin ginibong kalangtadan an kinaban? Bakong iyo ini an dai nanggad nagpatalingkas nin mga bilanggo o nagpapuli sa sainda?”

Isaias 18:2

Hale sa dagang idto, may mga sugo na nagsasakay sa Salog nin Nilo, sa mga sakayan na gibo sa bariw. Magpuruli kamo, mga marikas na sugo! Sarong mensahe an daraha nindo pabalik sa saindong daga na nababanga nin mga salog; daraha nindo iyan sa saindong makosog saka mapangyaring nasyon, sa saindong haralangkaw saka malinig an kublit na mga kahimanwa, na kinakatakotan sa bilog na kinaban.

Isaias 24:18

An siisay man na maghingowang makadulag sa katakotan mahuhulog sa kalot, asin an makadulag sa kalot madadakop kan siod. Mahugpa an makosog na uran, asin matatanyog an mga pundasyon kan kinaban.

Isaias 24:22

Titiponon nin Dios sa sarong kalot an mga hade siring sa mga bilanggo. Ibubugtak niya sinda sa bilanggoan sagkod na dumatong an aldaw kan pagpadusa sainda.

Isaias 24:3

Mararaot an daga asin magagaba, huli ta ini an itinaram nin Kagurangnan.

Isaias 36:1

Kan ikakatorseng taon kan paghahade ni Ezekias nin Juda, sinalakay ni Senakerib, na emperador nin Asiria, an pusog na mga syudad nin Juda dangan sinakop an mga ini.

Isaias 42:23

Igwa daw nin saro sainda na madangog kaini? Mahinanyog na daw kamo nin marahay poon ngunyan?

Isaias 42:7

Bubukasan mo an mga mata kan buta asin tatalingkasan mo an mga nagtutukaw sa madiklom na mga bilanggoan.

Isaias 45:13

Ako mismo an nag-apod ki Ciro tanganing otobon an sakuyang katuyohan asin pakarahayon an gabos na bagay. Tatanoson ko an lambang dalan na saiyang aagihan. Hihirahayon niya an sakong syudad, an Jerusalem, asin tatalingkasan niya an sakong banwaan bakong huli sa bayad o sa suhol.” An Kagurangnan nin mga hukbo an nagtaram.

Isaias 5:29

An saindang mga soldados minaungal na garo mga leon na nakagadan nin sarong hayop dangan dinadara ini sa lugar na mayo nin makakaagaw kaiyan sainda.

Isaias 51:23

Itatao ko iyan sa mga tawong nag-api saindo, sa mga nagpahigda saindo sa tinampo asin nagtimaktimak saindo na garo ati kamo.”

Isaias 56:9

Sinabihan nin Kagurangnan an dayuhan na mga nasyon na magdolok siring sa mga lalaw na hayop tanganing kakanon an saiyang banwaan.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 52:31

Kan taon nin pagtukaw ni Evil-merodak bilang hade nin Babilonia, may pagkaherak na tinalingkasan niya si Hadeng Jehoiakin nin Juda, sa paagi nin pagpaluwas saiya sa bilanggoan. Nangyari ini kan ikabeynte y singkong aldaw kan ikadoseng bulan kan ikatreynta y syeteng taon nin pagkabihag ki Jehoiakin.