Isaias 42:20 - Marahay na Bareta Biblia

²⁰ Israel, kadakul kan saimong nahiling, alagad ano an nagin kahulogan kaiyan saimo? Igwa ka nin talinga tanganing gamiton sa pagdangog, alagad ano mananggad an saimong nadangog?”

Isaias 42:20 ပူးပေါင်းရင်းမြစ်များ

Salmo 107:43

Isipon logod kan mga madonong an mga bagay na ini; akoon logod ninda an danay na pagkamoot nin Kagurangnan.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 58:2

Sinasamba ninda ako aroaldaw, asin sinasabi nindang boot nindang maaraman an sakong mga dalan saka mga pagboot. Sinasabi nindang boot nindang tawan ko sinda nin matanos na mga pagboot asin naoogma sinda sa pagsamba sako.”

Isaias 6:9

Nagsabi siya, “Lakaw, asin sabihan mo kaining mensahe an mga tawo: ‘Magdangog kamong maigot asin dai kamo makakasabot; maghiling kamong marahay, asin dai kamo makakamidbid.’

Jeremias 6:10

Nagsimbag ako, “Siisay an madangog sako kun kaolayon ko sinda saka patanidan? Matagas an saindang mga payo. Habo nindang hinanyogon an saimong tataramon asin pinagngingisihan ninda an ipinapahayag ko sainda.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Ezekiel 33:32

Para sa sainda, arog ka man sana sa sarong parakanta nin mga awit nin pagkamoot na igwa nin magayon na tingog, asin arog sa sarong paratugtog nin sarong instrumento. Dadangogon ninda an gabos mong itinaram alagad dai ninda susunodon maski an saro kaiyan.

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mateo 13:13

Kaya parabola an ginagamit ko sa pagtukdo sainda dahel ta nahihiling ninda alagad dai namamaanan, nadadangog ninda alagad dai nahihinanyog o nasasabotan.

Roma 2:21

Nagtutukdo ka sa iba, tadaw ta dai mo tukdoan an sadiri mo? Naghuhulit kang, “Dai ka maghabon” alagad ika, dai naghahabon?

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,