Isaias 42:16 - Marahay na Bareta Biblia

¹⁶ “Papangenotan ko an sakong butang banwaan sa mga dalan na dai pa ninda inagihan. Gigibohon kong liwanag an saindang kadikloman asin sa saindang atubangan, sasaramahon ko an bakong saramang mga lugar. Iyo ini an mga bagay na gigibohon ko, asin dai ko iyan lilingawan.

Isaias 42:16 ပူးပေါင်းရင်းမြစ်များ

Salmo 94:14

Dai pababayaan nin Kagurangnan an saiyang banwaan; an sadiri niyang pamana dai niya tatalikodan.

Parahulit 1:15

Dai man napapatanos an tiko, asin an mayo dai man nabibilang.

Parahulit 7:13

Horophoropa an gibo nin Dios; siisay an makakatanos kan tiniko nin Dios?

Isaias 26:7

Kagurangnan, pinatag mo an agihan kan mga matanos; pantay an dalan na saindang linalakawan.

Isaias 29:18

Pag-abot kan aldaw na iyan, an bongog makakadangog mantang binabasa nin makosog an sarong libro, asin an buta na namuhay sa kadikloman, mamuklat kan saiyang mga mata dangan makakahiling.

Isaias 29:24

An mga lolong makakanood na makasabot, asin an danay na naggugumodgumod maoogma nang magpatukdo.”

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 32:3

Magigin bukas an saindang mga mata asin talinga sa mga pangangaipo kan banwaan.

Isaias 35:5

Dangan makakahiling an buta asin makakadangog an bongog.

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 40:4

Tambonan an gabos na kababan; pantayon an gabos na kabubuldan asin kabukidan. Magigin patag an kabubuldan, asin magigin sarama an mga lugar na bakong sarama.

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Isaias 41:3

Linalamag niya sinda asin ligtas siyang minaagi; marikas siya nin marahay na garong dai nagduduta sa daga an mga bitis niya!

Isaias 45:2

“Ako mismo an maandam kan aagihan mo; an kabukidan saka kabubuldan papantayon ko. An mga bronseng trangkahan sakong gagabaon asin an mga lansang na barat sakong babarion.

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Isaias 48:17

An banal na Dios nin Israel, an Kagurangnan na nagliligtas saimo, nagsasabi: “Ako an Kagurangnan na saimong Dios, an boot na magtukdo saimo para sa saimong karahayan asin an mangengenot saimo sa dalan na saimong lalakawan.

Isaias 52:12

Ngunyan mahale kamo na dai naghihidali, dai kamo malakaw na garo nagdudulag. An Kagurangnan na saindong Dios an mangengenot saindo asin maataman saindo.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Isaias 58:10

kun tawan nindo nin pagkakan an mga nagugutom saka tawan kan saindang kaipuhan an mga mayong sukat, dangan an nakapalibot saindong kadikloman magigin siring sa liwanag nin kaodtohan.

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Ezekiel 14:23

dangan maaaraman mo na may marahay na dahelan an gabos na ginibo ko.” An Kagurangnan Dios an nagtaram.

Oseas 2:14

Kaya ipag-iiba ko giraray siya sa desyerto; duman bibihagon ko giraray siya sa paagi nin mga tataramon nin pagkamoot.

Oseas 2:6

Kaya kukudalon ko siya nin matonok na mga tinanom asin matugdok ako nin kudal na maolang kan saiyang agihan.

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.

Lukas 3:5

Tambonan an gabos na kababan, pantayon an gabos na kabubuldan asin kabukidan. An mga tinampong tiko-tiko, tanoson; an mga dalan na bakong sarama, saramahon.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Efeso 5:8

Kaidto nasa kadikloman kamo, alagad poon na magin sadiri kamo nin Kagurangnan, nasa liwanag na kamo. Kaya maglakaw kamo siring sa mga aki nin liwanag,

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

Josue 3:4

Dai pa kamo nakadigdi kaidto, kaya sinda an matukdo saindo kan dalan. Alagad dai kamo magrani sa Kaban nin Tipan; magpahuri kamo nin mga sarong kilometro.”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.