Isaias 42:15 - Marahay na Bareta Biblia

¹⁵ Raraoton ko an kabubuldan saka kabukidan asin papaalangon ko an mga doot saka kakahoyan. Gigibohon kong mga desyerto an mga salog asin papamarahon ko an mga sapa nin tubig.

Isaias 42:15 ပူးပေါင်းရင်းမြစ်များ

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Isaias 41:15

Gigibohon takang siring sa sarong ginikan, na igwang bago saka matarom na mga ngipon. Giginikon mo an kabukidan asin roronoton mo sinda; magigin alpog an kabubuldan.

Isaias 44:27

Huli sa sarong pagboot pinaalang ko an dagat.

Isaias 49:11

“Magibo ako nin tinampo sa kabukidan asin maandam ako nin dalan na aagihan kan sakong banwaan.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Jeremias 4:24

Hiniling ko an kabukidan—nagkokonogkonog an mga ini, asin an gabos na kabubuldan garong naglilinog.

Ezekiel 38:19

Sa maimon kong kaanggotan, ipinapahayag ko na sa aldaw na iyan magkakaigwa nin makosog na linog sa daga nin Israel.

Ezekiel 38:20

An lambang sira, an lambang gamgam, asin an lambang hayop, dakula man o sadit, patin an gabos na tawo sa ibabaw nin daga magtatarakig huli sa takot sako. Marurumpag an kabukidan, mabagsak an mga ampas asin maroronot an lambang kudal.

Hageo 2:6

“Dai mahahaloy, tatanyogon ko an kalangitan asin an kinaban, an daga saka an dagat.

Zacarias 10:11

Kun mag-agi na sinda sa saindang dagat nin kasakitan, hahampason ko an mga alon, asin mamarara an kairaroman kan Salog nin Nilo. An mapaabaw-abaw na Asiria mapapasopog, asin an mapangyaring Egipto mawawaraan nin kosog.

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.

Kapahayagan 16:18

Nagkaigwa nin kikilat, makosog na urogudog, daguldol saka makosog na linog. Mayo pa nin siring kakosog na linog poon na lalangon an tawo; ini an pinakakosog sa gabos!

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.