Isaias 42:11 - Marahay na Bareta Biblia

¹¹ Pag-omawon kan desyerto asin kan mga banwa kaiyan an Dios; pag-omawon siya kan mga tawo sa Kedar! An mga nag-eerok sa syudad nin Sela magkukurahaw sa kaogmahan sa mga alitoktok kan kabukidan!

Isaias 42:11 ပူးပေါင်းရင်းမြစ်များ

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

Salmo 120:5

Herak man sako na nakikimanwa ako sa Mesek; na nakikierok ako sa mga tolda nin Kedar.

Isaias 12:5

Mag-awit kamo nin mga pag-omaw sa Kagurangnan, huli kan dakulang mga bagay na saiyang ginibo; ini saindong ibareta sa bilog na kinaban.

Isaias 16:1

An mga taga Moab nagpadara nin sarong kordero hale sa syudad nin Sela sa kalangtadan, bilang regalo sa naghahade sa Jerusalem.

Isaias 21:16

Dangan sinabihan ako nin Kagurangnan, “Sa laog sana nin sarong taon, mapapara an kamurawayan kan mga tribu nin Kedar.

Isaias 32:16

Maghahade saen man sa daga an katanosan saka an hustisya,

Isaias 35:1

Mag-oogma an desyerto, asin mamumurak an kalangtadan.

Isaias 35:6

An pilay malukso dangan masayaw, asin an mga pola makurahaw sa kaogmahan. An mga burabod nin tubig mabulos pasiring sa desyerto;

Isaias 40:3

Sarong tingog an nagkukurahaw, “Andama sa kalangtadan an dalan para sa Kagurangnan! Tanosa sa desyerto an sarong tinampo para sa satong Dios!

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Isaias 52:7

Magayon paghilingon sa ibabaw nin kabukidan, an mga bitis kan nagdadara kan marahay na bareta, an bareta nin katoninongan! Ipinapahayag niya an kapangganahan asin nagsasabi siya sa Sion, “Hade an saimong Dios!”

Isaias 60:7

An gabos na karnero nin Kedar saka Nebaiot dadarahon saimo bilang mga sakripisyo asin idodolot sa altar tanganing maogma an Kagurangnan. Orog na papamurawayon nin Kagurangnan an saiyang Templo sagkod lamang.

Jeremias 21:13

Nagtutukaw ka, Jerusalem, sa itaas kan mga kapantayan, arog sa gapo na nasa tahaw nin kahiwasan. Alagad ako kalaban mo. Sinasabi mo na mayo nin makakasalakay saimo o maglaog sa saimong mga bantayan.

Jeremias 48:28

“Kamong mga nag-eerok sa Moab, magharale kamo sa saindong mga banwa! Lakaw saka mag-erok kamo sa kagapoan! Arogon nindo an mga salampati na naggigibo nin salagan sa mga gilid kan ampas.

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Jeremias 49:31

‘Magbangon kamo, dangan salakayon ta an sarong nasyon na namumuhay na matiwasay saka maginhawa. An saindang syudad mayo nin mga trangkahan saka mga barat asin yaon ini sa sarong siblag na lugar.’

Ezekiel 27:21

An mga taga Arabia saka mga prinsipe nin Kedar nakipagnegosyo saimo. An mga produkto mo rinibayan ninda nin mga kordero, mga karnero, saka mga kanding.

Obadias 1:3

Dinaya ka kan saimong kapalangkawan. An pangenot mong syudad sarong bantayan na gapo; an saimong erokan nasa halangkaw na lugar sa kabukidan, kaya nagsasaboot kang, ‘Siisay an makakapababa sako?’

Nahum 1:15

Hilinga! Igwang sarong sugo na nagdadangadang sa kabukidan dara an marahay na bareta! Nagdadangadang siya tanganing ipahayag an kapangganahan! Banwaan nin Juda, selebraron mo an saimong mga pyesta asin itao mo sa Dios an ipinanuga mo saiya. Dai na nanggad sasalakayon kan mga maraot an saimong daga; nagkagaradan na sinda gabos!