Isaias 41:9 - Marahay na Bareta Biblia

⁹ Kinua taka hale sa mga poro kan daga; inapod taka hale sa pinakaharayong mga kanto kaini asin sinabihan, ‘Ika an sakong sorogoon.’ Dai taka isinikwal kundi pinili.

Isaias 41:9 ပူးပေါင်းရင်းမြစ်များ

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 94:14

Dai pababayaan nin Kagurangnan an saiyang banwaan; an sadiri niyang pamana dai niya tatalikodan.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Isaias 41:8

“Alagad ika, Israel, na sakong sorogoon, ika an banwaan na sakong pinili, an kapagarakian ni Abraham, na sakong katood.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Isaias 44:1

Nasasabi an Kagurangnan, “Maghinanyog ka ngunyan, Israel, sakong sorogoon, sakong piniling banwaan, kapagarakian ni Jacob.

Isaias 45:4

Pinipili taka tanganing tabangan mo an sakong sorogoon na Israel, an banwaan na sakong pinili. Tinawan taka nin dakulang onra, maski dai mo pa ako namimidbidan.

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Lukas 13:29

Maabot an mga tawo hale sa sirangan, sa solnopan, sa amihan asin sa habagat, dangan matukaw sa bangkete sa Kahadean nin Dios.

Deuteronomio 14:2

Huli ta kamo sarong banwaan na banal para sa Kagurangnan na saindong Dios, asin pinili niya kamo na magin sadiring banwaan hale sa gabos na banwaan sa bilog na daga.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.

1 Samuel 12:22

Nagsumpa an Kagurangnan na dai niya kamo papabayaan, huli ta pinagmarahay niya na kamo an saiyang magin banwaan.