Isaias 41:8 - Marahay na Bareta Biblia

⁸ “Alagad ika, Israel, na sakong sorogoon, ika an banwaan na sakong pinili, an kapagarakian ni Abraham, na sakong katood.

Isaias 41:8 ပူးပေါင်းရင်းမြစ်များ

2 Mga Cronica 20:7

Ika an samuyang Dios. Kan magdangadang sa dagang ini an Israel na saimong banwaan, pinahale mo an mga nag-eerok digdi asin itinao mo ini sa mga kapagarakian ni Abraham na saimong katood, tanganing masadirihan ninda sagkod pa man.

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 136:21

An saindang daga itinao niya bilang pamana; an saiyang pagkamoot mayo nin kataposan;

Salmo 136:22

pamana ki Israel na saiyang sorogoon; an saiyang pagkamoot mayo nin kataposan.

Salmo 33:12

Paladan an nasyon na an Dios iyo an Kagurangnan, an banwaan na saiyang pinili bilang pamana niya.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 29:22

Kaya ngunyan an Kagurangnan, an Dios nin Israel, na nagligtas ki Abraham sa kasakitan, nagsasabi, “Dai na kamo mamumugtak sa kasosopgan, banwaan ko, asin dai na mamumula sa sopog an saindong lalawogon.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Isaias 42:19

May makakaarog pa daw sa sakong sorogoon sa pagkabuta, o sa sakong sinugo sa pagkabongog?

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 43:10

“Banwaan nin Israel, kamo an sakong mga saksi; pinili ko kamo nganing magin sorogoon ko, tanganing mamidbidan nindo ako asin magtubod kamo sa sako patin masabotan nindo na ako sana an Dios. Pwera sako, mayo na nin ibang dios; mayo nanggad kaidto asin dai nanggad magkakaigwa.

Isaias 43:5

Dai ka matakot—kaiba mo ako! “Ipupuli ko saimo an saimong namamanwaan hale sa sirangan asin sa solnopan.

Isaias 44:21

Nagsasabi an Kagurangnan, “Israel, giromdoma ini; giromdoma na sorogoon taka. Linalang taka nganing magin sorogoon ko, asin dai ko nanggad ika lilingawan.

Isaias 45:4

Pinipili taka tanganing tabangan mo an sakong sorogoon na Israel, an banwaan na sakong pinili. Tinawan taka nin dakulang onra, maski dai mo pa ako namimidbidan.

Isaias 48:12

Nagsasabi an Kagurangnan, “Magdangog ka sako, Israel, banwaan na sakong inapod! Ako an Dios, an enot, an huri, an iyo sanang Dios!

Isaias 49:3

Sinabihan niya ako, “Israel, sorogoon taka; huli saimo, oomawon ako nin mga tawo.”

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Isaias 63:16

Ika an samong ama. Dai kami minimidbid ni Abraham saka ni Jacob na samong ginikanan, alagad ika, Kagurangnan, na samong ama, iyo an danay na nagliligtas sa samo.

Jeremias 33:24

“Dai mo namamasdan na nagsasabi an mga tawo na isinikwal ko an Israel saka Juda, an duwang pamilya na pinili ko? Kaya pinag-oolog-olog ninda an sakong banwaan asin dai na ninda ini ibinilang na sarong nasyon.

Levitico 25:42

An banwaan nin Israel iyo an mga oripon ko, asin ako an kuminua sainda sa Egipto; dai sinda dapat ipabakal bilang mga oripon.

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Mateo 3:9

Dai kamo maghona na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Galacia 3:19

Kun siring, ano an katuyohan kan Katogonan? Idinagdag iyan tanganing mahiling kun ano an gibong sala; igwa iyan nin halaga sagkod na dai pa minaabot an aki ni Abraham na iyo an pinanongdan kan panuga. An Katogonan itinao sa paagi nin mga anghel sa tabang nin sarong tagapagultanan.

Deuteronomio 10:15

Alagad labi-labi an pagkamoot nin Kagurangnan sa saindong mga ginikanan, kaya pinili niya kamo embes na an ibang mga tawo, asin sagkod ngunyan, kamo an saiyang sadiring banwaan.

Deuteronomio 14:2

Huli ta kamo sarong banwaan na banal para sa Kagurangnan na saindong Dios, asin pinili niya kamo na magin sadiring banwaan hale sa gabos na banwaan sa bilog na daga.

Santiago 2:23

Kaya naotob an kasuratan na nagsabi, “Si Abraham nagtubod sa Dios; huli kan saiyang pagtubod ibinilang siyang matanos nin Dios.” Kaya inapod si Abraham na katood nin Dios.