Isaias 41:5 - Marahay na Bareta Biblia

⁵ “An mga tawo sa hararayong mga daga nakahiling kan sakong ginibo, kaya pinagtarakigan sinda sa takot. Nagtiripon sinda asin nagdirigdi sinda gabos.

Isaias 41:5 ပူးပေါင်းရင်းမြစ်များ

Genesis 10:5

Sinda an mga ginikanan kan mga tawong nag-eerok sa mga baybayon asin sa mga isla. Sinda an mga aking lalaki ni Jafet, na an lambang saro nagin dakulang nasyon na may sadiring daga saka lengwahe.

Salmo 65:8

Kaya nagkakatarakot sa saimong mga ngangalasan an mga nag-eerok sa bilog na kinaban. An saimong mga gibo minadara nin maoogmang kinurahaw, magpoon sa sirangan sagkod sa solnopan.

Salmo 65:9

An daga saimong inaataman huli sa pagpadara nin uran; ginigibo mong mayaman asin matubang. An mga salog pinapano mo nin tubig; an daga tinatawan mo nin tinanom. Siring kaini an ginigibo mo:

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 67:7

Benendisyonan kita nin Dios; matakot logod saiya an gabos na tawo sa kinaban.

Exodo 15:14

Nakadangog an mga banwaan asin tinarakigan; mga Filisteo makuring takot an namatean.

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Isaias 41:6

Nagtatarabangan an mga panday asin pinapakosog ninda an boot kan lambang saro.

Ezekiel 26:18

Ngunyan, sa aldaw nin pagkarumpag kaiyan, nagtarakig an mga isla. An saindang banwaan namomongnan kan siring na pagkatunaw.”

Josue 2:10

Nadangog mi kun paano pinamara nin Kagurangnan sa atubang nindo an Dagat na Pula kan maghale kamo sa Egipto. Nabaretaan mi man kun paano nindo ginadan si Sihon asin si Og, an duwang hadeng Amoreo na taga sirangan kan Jordan.

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.