Isaias 41:29 - Marahay na Bareta Biblia

²⁹ Mayong kamugtakan an mga dios-dios na ini; mayo sindang nagigibo— maluluya saka mayo nin kapangyarihan an mga ladawan na ini.”

Isaias 41:29 ပူးပေါင်းရင်းမြစ်များ

Salmo 96:5

An mga dios kan ibang nasyon mga dios-dios sana, alagad an kalangitan linalang nin Kagurangnan.

Isaias 17:8

Dai na sinda magsasarig sa mga altar na saindang ginibo, o magsasarig sa gibo nin saindang kamot—mga simbolo kan diosang si Asera saka mga altar nin insenso.

Isaias 2:8

An saindang daga pano na nin mga ladawan; asin sinasamba ninda an mga bagay na gibo kan saindang kamot.

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 41:24

Kamo asin an gabos nindong gibo mayo nin halaga; makauuyam an mga nagsasamba saindo!

Isaias 46:7

Ibinubugtak ninda iyan sa saindang mga abaga asin dinadara; ibinubugtak ninda iyan sa sadiring lugar asin duman sana iyan nagtitindog, dai nakakahiro sa namumugtakan. Kun igwang mamibi diyan, dai iyan nakakasimbag o nakakaligtas saiya sa panahon nin kasakitan.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 5:13

Nagtaram sinda na an mga propeta mayo nin halaga, saka mayo kan mensahe nin Kagurangnan. Nagtaram sako an Kagurangnan, an Dios nin mga hukbo, “Jeremias, huli ta an mga tawong ini nagtaram kan siring, magigin garo kalayo sa saimong ngoso an sakong mga tataramon. An mga tawong ini siring sa kahoy, na tututongon kan kalayo.”

Habakkuk 2:18

Anong karahayan an makukua sa sarong ladawan? Sarong bagay man sana iyan na ginibo nin tawo, asin mayo iyan nin sinasabi kundi kaputikan. Anong karahayan an makukua diyan kan naggibo kaiyan kun pagsarigan niya iyan—sarong dios-dios na dai ngani nakakataram!

Zacarias 10:2

Nakikihumapot an mga tawo sa mga dios-dios saka sa mga parahula, alagad kaputikan asin mayong halagang mga simbag an saindang nakukua. An iba nagpapahayag nin mga pangatorogan, alagad linalagalag sana ninda kamo; mayo nin halaga an itinatao nindang karangahan. Kaya nagkakaralagalag an mga tawo arog sa nawawarang mga karnero. Nagtitios sinda huli ta mayo sinda nin pamayo.

Hukom 18:17

luminaog sa harong an limang espiya na nagsiyasat sa daga dangan kinua an dios-dios na gibo sa kahoy na napapatos nin plata, an iba pang dios-dios asin an efod. An padi yaon duman sa trangkahan kaiba an anom na gatos na armadong kalalakihan.

1 Samuel 12:21

Dai kamo magsamba sa mga dios-dios na dai makakatabang o makakaligtas saindo, huli ta bako sinda an totoong Dios.