Isaias 41:28 - Marahay na Bareta Biblia

²⁸ Kan maghiling ako sa mga dios-dios mayo sinda nin ikinataram; mayo sainda nin nakasimbag kan sakong mga hapot.

Isaias 41:28 ပူးပေါင်းရင်းမြစ်များ

Isaias 46:7

Ibinubugtak ninda iyan sa saindang mga abaga asin dinadara; ibinubugtak ninda iyan sa sadiring lugar asin duman sana iyan nagtitindog, dai nakakahiro sa namumugtakan. Kun igwang mamibi diyan, dai iyan nakakasimbag o nakakaligtas saiya sa panahon nin kasakitan.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 59:16

Nahiling niya na maski saro mayo nin minatabang sa naaapi. Kaya gagamiton niya an sadiri niyang kapangyarihan sa pagligtas sa mga naaapi asin tanganing manggana siya.

Isaias 63:5

Nagngalas ako kan sakong mahiling na mayo nin matabang sako, alagad pinakosog ako kan sakong kaanggotan, asin nanggana ako.

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Daniel 5:8

Nagpaenotan an mga parahatol kan hade, alagad mayo nin saro man sa sainda na nakabasa kan nasusurat o nakasabi sa hade kan kahulogan kaidto.