Isaias 41:22 - Marahay na Bareta Biblia

²² Madya kamo digdi asin isabi nindo an mangyayari, tanganing mamidbid nyato iyan kun mangyari na. Ipaliwanag nindo sa hukoman an mga pangyayari kan nakaaging panahon, dangan sabihi kami kun ano an saindang kahulogan.

Isaias 41:22 ပူးပေါင်းရင်းမြစ်များ

Isaias 41:26

Siisay saindo an nagsabi na mangyayari ini, tanganing masabi mi na tama siya? Mayo ni saro saindo na nagtaram dapit kaini; mayo man lamang nin nakadangog na kamo nagtaram!

Isaias 42:9

Nagkatotoo na an mga bagay na sakong itinaram. Ngunyan sasabihan taka kan dapit sa bagong mga bagay maski dai pa ini nangyayari.”

Isaias 44:7

Igwa daw nin makakagibo kan sakong ginibo? Siisay an pwedeng maghula kan gabos na mangyayari magpoon sa kaenot-enote sagkod sa kataposan kan panahon?

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Isaias 45:22

“Madya kamo sako ngunyan asin makakaligtas kamo, mga tawo sa bilog na daga! Huli ta ako an Dios, asin pwera sako mayo na nin ibang dios.

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.

Isaias 48:14

“Kamo gabos, pagtiripon asin paghinanyog! Maski saro sa mga dios-dios dai makakahula na an lalaking sakong pinili iyo an masalakay sa Babilon; gigibohon niya an sakong ipinapagibo.

Isaias 48:3

Nagsasabi an Kagurangnan sa Israel, “Kaidtong panahon hinulaan ko an mangyayari; dangan sa madali, pinangyari ko iyan.

Juan 13:19

Sinasabi ko na ini saindo ngunyan, tanganing kun mangyari na ini, magtubod kamo na talagang ‘Ako Iyo Ako’.

Juan 16:14

Papamurawayon niya ako, huli ta hale sako an ipapahayag niya saindo.