Isaias 41:21 - Marahay na Bareta Biblia

²¹ An Kagurangnan, an hade nin Israel, nagsasabi kaini: “Kamong mga dios-dios kan mga nasyon, sangatan nindo an saindong kaso. Ipahayag nindo an saindong pinakamarahay na depensa!

Isaias 41:21 ပူးပေါင်းရင်းမြစ်များ

An Libro ni Job 31:37

Sasambiton ko sa Dios an gabos kong gibo, asin dai ako masosopog na mag-atubang saiya.

An Libro ni Job 38:3

Tumindog ka siring sa sarong lalaki asin simbagon mo an mga hapot ko.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Isaias 43:15

Ako an Kagurangnan, an saindong banal na Dios. Ako an naglalang saimo, Israel, asin ako an saimong hade.”

Isaias 43:9

Apoda an mga nasyon nganing mag-atubang sa hukoman. Arin sa saindang mga dios-dios an nakakaaram kan maabot na panahon? Arin sainda an naghula kan nangyayari ngunyan? Padarahan sa mga dios-dios na ini an saindang mga saksi tanganing magpatotoo na tama sinda, tanganing magsabi na totoo an saindang mga tataramon.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.