Isaias 41:19 - Marahay na Bareta Biblia

¹⁹ Papataluboon ko sa desyerto an mga sedro, an mga akasya, an mga mirto asin an mga oliba. An kalangtadan gigibohon kong mga kadlagan, kadlagan nin mga aguho, hunipero asin cipres.

Isaias 41:19 ပူးပေါင်းရင်းမြစ်များ

Isaias 27:6

Sa mga maabot na aldaw, an banwaan nin Israel, an mga kapagarakian ni Jacob, magkakaigwa nin gamot arog sa sarong kahoy, asin magsusupang dangan mamumurak sinda. Mapapano kan saindang bunga an bilog na kinaban.

Isaias 32:15

Alagad ipapadara giraray nin Dios sato an saiyang espiritu. An kalangtadan magigin sarong matubang na daga, asin an kaomahan mamumunga nin dakul na ani.

Isaias 35:1

Mag-oogma an desyerto, asin mamumurak an kalangtadan.

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 60:13

“An pinakamarahay na kahoy hale sa kadlagan nin Lebanon, an aguho, an hunipero, asin an sipres dadarahon saimo tanganing pagayonon an sakong Templo, saka an syudad ko.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 61:11

Siring na mabuswak saka matalubo an banhi, siring man an pagligtas nin Kagurangnan Dios sa saiyang banwaan, asin oomawon siya kan gabos na nasyon.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Ezekiel 47:12

Sa mag-ibong na pangpang kan sapa matalubo an gabos na klase nin kahoy tanganing magtao nin kakanon. Dai maaalang an mga dahon kaiyan asin dai iyan mawawaraan nin bunga. Mabunga iyan bulan-bulan, huli ta natutubigan iyan kan sapa na nagbubulos hale sa Templo. An saindang bunga magigin pagkakan asin saindang mga dahon gagamiton sa pagbolong.”

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Zacarias 1:8

Nahiling ko an sarong anghel nin Kagurangnan na naglulunad sa sarong pulang kabayo. Nag-ontok siya sa tahaw kan mga kahoy na mirto sa sarong kapantayan. Sa likodan niya igwa nin mga kabayong pula, kabang, saka puti.