Isaias 41:10 - Marahay na Bareta Biblia

¹⁰ Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:10 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 31:5

asin sinabihan niya sinda, “Namasdan ko na iba na an pagtratar sako kan saindong ama; alagad an Dios kan sakong ama iniibahan ako.

Genesis 49:24

Alagad nagin masarig an saiyang pana; Pinakosog an saiyang braso Kan kapangyarihan kan Makakamhan na Dios ni Jacob, Kan Pastor, an Gapo nin Israel.

2 Samuel 22:19

Nagsalakay sinda kan ako nasa kasakitan, alagad iningatan ako nin Kagurangnan.

1 Mga Cronica 12:18

Dangan an Espiritu nin Dios uminabot ki Amasai, na nagin pamayo kan “An Treynta,” asin nagsabi ini, “Saimo kami, O David; asin kaiba mo kami, O aki ni Jesse! an Katoninongan mapasaimo, asin sa mga nagtatabang saimo! Huli ta tinabangan ka kan saimong Dios.” Inako sinda ni David asin ginibong mga opisyal kan saiyang hukbo.

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

Salmo 144:11

Ligtasan ako sa maringis na mga kaiwal; ligtasan ako sa kamot kan mga dayuhan, na an mga ngoso dai nagtataram nin katotoohan, na an saindang toong kamot nanunumpa sa kaputikan.

Salmo 144:8

na an mga ngoso dai nagtataram nin katotoohan, na an toong kamot nanunumpa sa kaputikan.

Salmo 145:14

Tinatabangan niya an gabos na nasasakitan; binabangon niya an gabos na napapadungkal.

Salmo 147:12

Omawon mo an Kagurangnan, O Jerusalem! Omawon mo an saimong Dios, O Sion!

Salmo 18:36

Tinawan mo ako nin mahiwas na lugar na lalakawan, asin an sakong mga bitis dai nadalinas.

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Salmo 29:11

Kosog itao logod nin Kagurangnan sa saiyang banwaan! Bendisyonan logod niya sinda nin katoninongan!

Salmo 33:12

Paladan an nasyon na an Dios iyo an Kagurangnan, an banwaan na saiyang pinili bilang pamana niya.

Salmo 37:17

huli ta hahaleon nin Kagurangnan an kosog kan mga maraot, alagad iingatan niya an mga matanos.

Salmo 37:24

Kun siya matumba, dai siya mahahaloy diyan, huli ta babangonon siya nin Kagurangnan.

Salmo 41:12

Tinatabangan mo ako, huli ta ginigibo ko an matanos; pinapadanay sa saimong atubang sagkod lamang.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 63:8

Dayupot saimo an sakong kalag, inaataman ako kan too mong kamot.

Salmo 65:5

Sinisimbag mo kami huli sa pagtao samo nin kapangganahan, O Dios nin samong kaligtasan. Minasarig saimo an gabos na tawo sa gabos na poro nin daga, sagkod sa pinakaharayong mga dagat.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Exodo 20:20

Nagsimbag si Moises, “Dai kamo matakot; huli ta an Dios napadigdi sa pagbalo sa saindo. Boot niyang magkaigwa kamo nin takot sa saiya tanganing dai kamo magkasala.”

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 37:6

itinao niya saiya an simbag na ini: “An Kagurangnan nagsasabi na dai ka matakot huli kan mga tataramon kan mga taga Asiria na dai kamo ililigtas nin Kagurangnan.

Isaias 43:5

Dai ka matakot—kaiba mo ako! “Ipupuli ko saimo an saimong namamanwaan hale sa sirangan asin sa solnopan.

Isaias 44:2

Ako an Kagurangnan na naglalang saimo; magpoon kan ika mamundag, tinabangan taka. Dai ka matakot; ika an sakong sorogoon, an sakong piniling banwaan na sakong namomotan.

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Isaias 50:9

An Kagurangnan Dios mismo an nagsusurog sako— siisay an makakapatotoo na may sala ako? Magkakawarara an gabos na nagsusumbong sako; mawawara sinda siring sa telang kinakan kan anay.

Isaias 52:7

Magayon paghilingon sa ibabaw nin kabukidan, an mga bitis kan nagdadara kan marahay na bareta, an bareta nin katoninongan! Ipinapahayag niya an kapangganahan asin nagsasabi siya sa Sion, “Hade an saimong Dios!”

Isaias 60:19

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an Kagurangnan, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

Mga Panambitan 3:57

Sinimbag mo ako asin sinabihan na dai matakot.

Daniel 10:12

Dangan nagsabi an anghel, “Daniel, dai ka matakot. Dinangog nin Dios an saimong mga pamibi poon pa kan enot na aldaw na nagpakumbaba ka tanganing makakua nin pakasabot. Napadigdi ako bilang kasimbagan sa saimong pamibi.

Daniel 6:16

Kaya nagboot an hade na dakopon si Daniel asin ihulog sa kalot na pano nin leon. Sinabihan kan hade si Daniel, “Iligtas ka logod kan saimong Dios, na maimbod mong pinaglilingkodan.”

Oseas 1:9

Sinabihan nin Kagurangnan si Oseas, “Ngaranan mo siyang ‘Bako Kong Banwaan,’ huli ta an mga taga Israel bako ko nang banwaan, asin bako na ako an saindang Dios.”

Hageo 1:13

Dangan an mensaheng ini nin Kagurangnan sinabi ni Hageo sa mga tawo: “Kaibahan nindo ako—iyan an panuga ko.”

Hageo 2:5

Kan maghale kamo sa Egipto, nanuga ako na danay ko kamong iibahan. Kaibahan pa nindo ako, kaya dai kamo matakot.

Zacarias 10:12

Papakosogon ko an sakong banwaan; sasambahon asin kukuyogon ninda ako.” An Kagurangnan an nagtaram.

Zacarias 10:6

“Papakosogon ko an banwaan nin Juda; ililigtas ko an banwaan nin Israel. Maheherakan ko sinda asin ibabalik ko sinda sa saindang harong. Sinda magigin garo dai ko man sana tinalikodan. Ako an Kagurangnan na saindang Dios; sisimbagon ko an saindang mga pamibi.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Lukas 1:13

Alagad sinabihan siya kan anghel, “Dai ka matakot, Zacarias! Dinangog nin Dios an pamibi mo; mangangaki nin lalaki an saimong agom, asin Juan an ingangaran mo sa aki.

Lukas 1:30

Kaya sinabihan siya kan anghel, “Dai ka matakot, Maria, huli ta nawiwilihan ka nin Dios.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

2 Corinto 12:9

Alagad an simbag niya iyo ini: “An sakong biyaya tama na para saimo; huli ta an sakong kapangyarihan orog na makosog kun ika maluya.” Kaya ikinakaogma kong maluya ako, tanganing mamatean ko an kapangyarihan sako ni Cristo.

Efeso 3:16

Hinahagad ko sa Dios, sa paagi kan saiyang Espiritu, na tawan niya kamo nin kosog nin buhay na espiritwal, gikan sa kayamanan nin saiyang kamurawayan,

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Filipos 4:13

An gabos magigibo ko huli ki Cristo na nagpapakosog sako.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Hukom 6:16

Nagtaram an Kagurangnan, “Magigibo mo iyan huli ta tatabangan taka. Roronoton mo an mga Midianita na garo saro sanang tawo.”