Isaias 40:5 - Marahay na Bareta Biblia

⁵ Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 40:5 ပူးပေါင်းရင်းမြစ်များ

1 Mga Hade 14:11

An siisay man na kaayon sa saimong pamilya na magadan sa syudad, kakakanon kan mga ayam, asin an magadan sa kahiwasan kakakanon kan mga bwitre. Ako, an Kagurangnan, an nagtaram!’”

Salmo 102:16

Kun an Sion pakarahayon na nin Kagurangnan, ipapahiling niya an saiyang kadakulaan.

Salmo 102:17

Dadangogon niya an pamibi kan mga dukha; dai niya ikakaanggot an saindang pakimaherak.

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Salmo 96:6

Omaw asin kamahalan yaon sa saiyang atubang; kosog asin gayon yaon sa saiyang santwaryo.

Salmo 97:6

An kalangitan nagbabareta kan saiyang katanosan, asin an gabos na nasyon nakakahiling kan saiyang kamurawayan.

Exodo 16:7

Sa aga mahihiling nindo an kamurawayan nin Kagurangnan bilang kasimbagan niya sa saindong mga reklamo saiya; huli ta siisay man baya kami na pagreklamohan nindo?”

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 26:15

Alagad, pinadakula mo an samong nasyon, Kagurangnan; pinahiwas mo an mga pagdolonan kaiyan, asin iyan an nagdara saimo nin kamurawayan.

Isaias 34:16

Pagsiyasat kamo sa libro nin mga buhay na linalang kan Kagurangnan asin basahon nindo an sinasabi duman. Minsan saro sa mga linalang na ini dai mawawara, asin minsan saro sainda dai mawawaraan nin agom. Huli ta ipinagboot iyan nin Kagurangnan; siya mismo an matipon sa sainda asin matao sainda kan saindang kahirasan.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 40:4

Tambonan an gabos na kababan; pantayon an gabos na kabubuldan asin kabukidan. Magigin patag an kabubuldan, asin magigin sarama an mga lugar na bakong sarama.

Isaias 41:20

Mahihiling ini kan mga tawo asin maaaraman ninda na ako, an Kagurangnan, an naggibo kaiyan. Dangan masasabotan ninda na an banal na Dios nin Israel an nagboot na mangyari iyan.”

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 58:14

dangan makukua nindo an kaogmahan na minadatong huli sa paglingkod sako. Itatao ko saindo an kaomawan sa bilog na daga, asin papakinabangan nindo an daga na itinao ko sa saindong ginikanan na si Jacob. Ako, an Kagurangnan, an nagtaram.”

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Isaias 60:1

Tindog, Jerusalem, asin pagliwanag siring sa aldaw! Nagliliwanag sa saimo an kamurawayan nin Kagurangnan!

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Isaias 66:18

Aram ko an saindang mga iniisip saka ginigibo. Madatong ako sa pagtipon kan katawohan kan gabos na nasyon. Kun magkatiripon na sinda, mahihiling ninda kun ano an nagigibo kan sakong kapangyarihan

Isaias 66:23

Sa lambang Pyesta kan Bagong Bulan saka Sabbath, masaramba sa sako digdi sa Jerusalem an lambang nasyon,” an sabi kan Kagurangnan.

Jeremias 32:27

“Ako an Kagurangnan, an Dios kan gabos na tawo; mayo nin dipisil para sako.

Jeremias 9:12

Naghapot ako, “Kagurangnan, tadaw ta raot an daga saka alang arog sa desyerto. Tadaw ta mayo na nin nag-aagi digdi? Siisay na madonong an nakakasabot kaini? Kiisay mo ipinaliwanag an nangyaring ini tanganing ikasabi niya sa iba?”

Joel 2:28

“Pakatapos, papahiligon ko an sakong espiritu sa gabos na tawo: an saindong mga aking lalaki saka babae maghuhula; an saindong mga gurang na lalaki magkakaigwa nin mga pangatorogan; an saindong mga hoben na lalaki makakahiling nin mga bisyon.

Mikas 4:4

Matoninong na mamumuhay an lambang saro sa tahaw kan sadiri niyang ubasan saka mga kahoy na higera, asin mayo nang magpapatakot saiya. An Kagurangnan nin mga hukbo an nanuga kaini.

Habakkuk 2:14

Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Zacarias 2:13

Pag-alo kamo gabos sa atubang nin Kagurangnan, huli ta madigdi siya hale sa saiyang banal na erokan.

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Lukas 3:6

Mahihiling kan gabos na tawo an pagligtas nin Dios!’”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 12:41

Sinabi ini ni Isaias huli ta nahiling niya an kamurawayan ni Jesus, kaya nagtaram siya dapit saiya.

Juan 17:2

Huli ta tinawan mo an Aki nin kapangyarihan sa gabos na tawo, tanganing magtao nin buhay na daing kataposan sa gabos na itinao mo saiya.

Mga Gibo 2:17

‘Iyo ini an sakong gigibohon sa mga huring aldaw, an sabi nin Dios: Papahiligon ko an sakong Espiritu sa gabos na tawo. An saindong mga aking lalaki asin mga aking babae maghuhula; an saindong mga hoben na lalaki makakahiling nin mga bisyon; an saindong mga gurang magkakaigwa nin mga pangatorogan.

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.