Isaias 40:31 - Marahay na Bareta Biblia

³¹ Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Isaias 40:31 ပူးပေါင်းရင်းမြစ်များ

An Libro ni Job 17:9

An mga nagsasabing sinda iginagalang, orog na minatubod na sinda matanos.

Salmo 103:5

An buhay ko pinapano niya nin mga biyaya, kaya danay akong hoben asin makosog arog kan agila.

Salmo 123:2

Siring na an sorogoon naghihiling sa saiyang kagurangnan, siring na an babaeng sorogoon naghihiling sa saiyang babaeng kagurangnan, kami man naghihiling saimo, Kagurangnan nyamong Dios, sagkod na maherak ka sa samo.

Salmo 138:3

Kan mag-agrangay ako saimo, nagsimbag ka; huli kan saimong kosog, pinakosog mo ako.

Salmo 20:9

Itao mo sa hade an kapangganahan, O Kagurangnan; simbaga kami kun kami mag-apod.

Salmo 25:21

An sakong karahayan asin katanosan iyo logod an magligtas sako, huli ta naghahalat ako saimo.

Salmo 25:3

Dai madadaog an mga naglalaom saimo; alagad masosopog an minapasaluib saimo.

Salmo 25:5

Tukdoan mo akong maglakaw sa katotoohan, huli ta ika an Dios nin sakong kaligtasan; bilog na aldaw ika sakong linalaoman.

Salmo 37:34

Maglaom sa Kagurangnan, asin kuyoga an saiyang kabotan; ilalangkaw ka niya huli sa pagtao saimo kan daga, asin mahihiling mo an pagkaronot kan tampalasan.

Salmo 40:1

Maigot akong naglaom sa Kagurangnan; kinilingan niya ako asin dinangog an sakong inagrangay.

Salmo 84:7

Mantang naglalakaw, orog na minakosog sinda; mahihiling ninda an Dios nin mga dios sa Sion.

Salmo 84:8

Kagurangnan, Dios nin mga hukbo, hinanyoga an sakong pamibi. Himatea, O Dios ni Jacob!

Salmo 92:1

Marahay an pagpasalamat saimo, Kagurangnan, an pag-awit nin mga pag-omaw sa saimong ngaran, O Kahorohalangkaweng Dios,

Salmo 92:13

Siring sinda sa mga kahoy na itinanom sa harong nin Kagurangnan, nagtatalubo sinda sa mga patyo nin satong Dios,

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Mga Talinhaga 30:19

an agila na naglalayog sa kalangitan, an halas na nagkakanap sa ibabaw nin gapo, an barko na naglalayag sa kadagatan, asin an lalaki saka babae na nagkakaminootan.

Awit nin mga Awit 8:5

Siisay ining nagdadangadang hale sa kalangtadan, na nakasandig sa saiyang namomotan? Sa irarom nin kahoy na mansanas pinukaw taka, sa lugar na namundagan mo.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 30:15

Ini an tataramon kan Kagurangnan Dios, an banal na Dios nin Israel, “Sa pagbalik saka sa pagpahingalo makakaligtas kamo; sa dai paggirong asin sa pagsarig magkakaigwa kamo nin kosog.” Alagad habo nindong gibohon ini!

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Isaias 64:4

Mayo pa nin siisay man na nakahiling o nakadangog dapit sa sarong Dios na arog saimo, na naggigibo nin siring na mga bagay para sa mga tawong minabugtak kan saindang paglaom saiya.

Isaias 8:17

Hahalaton ko an Kagurangnan, na nagtatago kan saiyang lalawogon sa saiyang banwaan, asin ibubugtak ko an sakong paglaom saiya.

Jeremias 48:15

Nag-abot na an maraot kan Moab asin kan saiyang mga syudad; an pinakamarahay sa saiyang mga hoben gagaradanon. Ako an hade, an Kagurangnan nin mga hukbo, asin ako an nagtaram.

Zacarias 10:12

Papakosogon ko an sakong banwaan; sasambahon asin kukuyogon ninda ako.” An Kagurangnan an nagtaram.

Lukas 18:1

Dangan nag-osipon sainda si Jesus nin sarong parabola, tanganing tukdoan sinda na danay na mamibi asin dai mahalean nin paglaom.

Roma 8:25

Alagad kun an satong pinaglalaom sarong bagay na dai nahihiling, matinios na hinahalat ta nanggad iyan.

2 Corinto 4:1

Sa pagkaherak nin Dios, itinao niya samo an ministeryong ini, kaya dai nanluluya an samong boot.

2 Corinto 4:16

Kaya dai nanluluya an samuyang boot. Maski ngani an samong hawak pinanluluya na, alagad an samong espiritu pinapakosog aroaldaw.

Galacia 6:9

Kaya dai kita mapagal sa paggibo nin karahayan; huli ta kun dai kita magmaluya, maabot an panahon na maani kita.

Deuteronomio 32:11

Ilinigtas nin Kagurangnan an Israel. Siring sa agila, na sa pagtukdo na makalayog an saiyang siwo, sinasalo niya sinda sa nakaunat niyang pakpak, tanganing dai mahulog.

Deuteronomio 33:25

Mga banwa niya kudalon logod nin lansang; mag-erok logod siya na daing kahandalan.”

1 Tesalonica 1:10

asin kun paano nindo hinahalat an pagbalik kan saiyang Aki hale sa langit—si Jesus na binuhay niya liwat, na iyo an maligtas sato sa maabot na makuring kaanggotan nin Dios.

Hebreyo 12:1

Kaya huli ta napapalibotan kita nin kadakul na saksi, haleon ta na an gabos na bagay na nakakaolang, saka an kasalan na nakakapurupot sato, dangan padagos tang dalaganon na daing ontok an ipinapadalagan sato.

Hebreyo 12:3

Horop-horopa kun paano niya natios an makuring kaanggotan kan mga tawong parakasala, tanganing dai kamo mapagal o magluya an saindong boot.

Josue 14:11

alagad makosog pa ako ngunyan siring kan aldaw na sugoon ako ni Moises. Makosog pa ako para sa pakilaban o para sa ano man.

Kapahayagan 12:14

Alagad tinawan an babae nin duwang pakpak nin dakulang agila, tanganing makalayog siya, harayo sa dragon, pasiring sa kalangtadan, saen aatamanon siya sa laog nin tolo may kabangang taon.

Kapahayagan 2:3

Aram ko na matinios ka asin huli sako nagtios ka na mayo nin kapagalan.

Kapahayagan 4:7

An enot na linalang nakakaagid sa leon; an ikaduwa nakakaagid sa baka; an ikatolo may lalawogon na garo sa tawo; an ikaapat nakakaagid sa agilang naglalayog.

Hukom 16:28

Dangan namibi si Samson, “O Kagurangnan Dios, giromdoma ako; maherak ka man sako, O Dios, asin pakosoga giraray ako, maski ngunyan na sana, tanganing makabalos ako sa mga Filisteo na nagbuta sako.”