Isaias 40:30 - Marahay na Bareta Biblia

³⁰ Manluluya maski an mga hoben pa; sa kapagalan, an mga hoben matutumba.

Isaias 40:30 ပူးပေါင်းရင်းမြစ်များ

Salmo 33:16

An hade dai ikinakaligtas kan saiyang makosog na hukbo; an soldados, kan saiyang dakulang kosog.

Salmo 34:10

Maski an mga leon nagugutom sa kakulangan nin pagkakan, alagad an nagkukuyog sa Kagurangnan dai pagkukulangon nin mga marahay na bagay.

Salmo 39:5

Ginibo mong halipot an sakuyang mga aldaw; sa mata mo mayong halaga an sakong buhay. Totoong an tawo kabaing sana sa sarong hinangos;

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Isaias 13:18

Gagadanon kan saindang mga pana saka bosog an mga hoben na lalaki; dai sinda maheherak sa mga omboy asin sa mga aki.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 48:15

Nag-abot na an maraot kan Moab asin kan saiyang mga syudad; an pinakamarahay sa saiyang mga hoben gagaradanon. Ako an hade, an Kagurangnan nin mga hukbo, asin ako an nagtaram.

Jeremias 6:11

An saimong kaanggotan sa sainda, Kagurangnan, naglalaad man sa sako, asin dai ko na iyan kayang pugolan pa.” Dangan tinaraman ako nin Kagurangnan, “Iula mo an sakong kaanggotan sa mga aking nasa tinampo saka sa katiriponan nin mga hoben na lalaki. Bibihagon an mga mag-agom asin dai makakaligtas maski an mga gurang.

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Amos 2:14

Dai makakaligtas maski an pinakamarikas na paradalagan; mawawaraan nin kosog an makokosog na mga lalaki, asin dai ikakaligtas kan mga soldados maski an saindang buhay.

1 Samuel 30:10

Alagad nagpadagos si David sa paglamag kaiba an apat na gatos niyang tawohan; duwang gatos an nawalat huli ta paragal na sindang marahay asin dai na kayang mag-ibong sa sapa.