Isaias 40:24 - Marahay na Bareta Biblia

²⁴ Arog sinda sa mga saradit na mga tinanom, na itinanom pa sana asin nagpopoon pa sanang maggamot. Kun minasubol nin doros an Kagurangnan, naaalang sinda asin ipinapalid arog sa dagami.

Isaias 40:24 ပူးပေါင်းရင်းမြစ်များ

2 Samuel 22:16

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon nin Kagurangnan an saiyang mga kaiwal, asin kurahawan sinda sa kaanggotan.

2 Mga Hade 10:11

Dangan ginadan ni Jehu an iba pang kadugo ni Ahab sa Jezreel. Ginadan man niya an mga opisyal ni Ahab, an mga katood saka mga padi; mayo siya nin itinadang buhay.

An Libro ni Job 21:18

asin hinayop sinda paharayo arog sa dagaming pinapadpad kan doros, o arog sa ata na dinadara kan bagyo?

An Libro ni Job 4:9

Huli sa hinangos nin Dios nagagadan sinda; sa kosog kan saiyang kaanggotan natutunaw sinda.

An Libro ni Job 8:17

An saindang mga gamot minapuropot sa kagapoan asin nangangapot sa lambang gapo.

Salmo 58:9

Siring sa doot, berde man o alang, sighidon logod sinda nin Dios, bago magkaigwa nin tonok.

Salmo 83:13

Dios ko, iwarak mo sinda siring sa alpog; siring sa ata na ipinapalid nin doros.

Mga Talinhaga 1:27

kun ini mag-abot saindo siring sa bagyo, na may darang doros nin kasakitan, asin kun kamo nakukulogan saka nagmomondo.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 17:11

Alagad maski magdahon saka mamurak an mga iyan sa mismong pagkaaga na itinanom mo, dai man giraray iyan magkakaigwa nin ani. Kasakitan saka dai nabobolong na kulog an mapapasaimo.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 37:7

Gigibohon nin Kagurangnan na makadangog an emperador nin Asiria nin sarong huringhuding na makakapabalik saiya sa sadiri niyang daga, asin duman siya ipapagadan nin Kagurangnan.”

Isaias 40:7

Naluluyos an mga doot asin nawawara an mga burak, kun sinusubol nin Kagurangnan an doros na naghuhuyop sa sainda. An tawo nakakaarog sa mga doot.

Isaias 41:16

Papatoronon mo sinda; dadarahon sinda kan doros sa harayo, asin iwawarak sinda kan bagyo. Dangan magigin maogma ka huli ta ako an saimong Dios; oomawon mo ako, an banal na Dios nin Israel.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Jeremias 22:30

“An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Jeremias 23:19

An saiyang kaanggotan sarong bagyo, sarong makosog na doros na mahampak sa payo kan mga tampalasan,

Oseas 13:15

Maski pa magtalubo an Israel siring sa mga doot, ipapadara ko an mainit na doros sa sirangan hale sa desyerto na iyo an mapamara kan saindang mga burabod saka mga bubon. Iyo man iyan an makua kan gabos na bagay na mahalaga.

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Nahum 1:14

Iyo ini an ipinagboot nin Kagurangnan dapit sa mga taga Asiria: “Dai sinda magkakaigwa nin kapagarakian na madara kan saindang ngaran. Raraoton ko an mga ladawan na nasa mga templo kan saindang mga dios. Nag-aandam ako nin lulubngan para sa mga taga Asiria—dai sinda maninigong mabuhay!”

Hageo 1:9

“Naglaom kamo nin dakul na aanihon, alagad dikit sana an nakua nindo. Dangan kan darahon na nindo iyan sa saindong harong, hinuyop ko iyan. Tano ta ginibo ko ini? Huli ta raot pa an sakong Templo mantang an lambang saro saindo nasisibot sa pagtrabaho kan saiyang harong.

Zacarias 7:14

Arog sa sarong bagyo, ipinalid ko sinda sa harayo tanganing mag-erok sinda sa mga dayuhan na daga. Nagin sarong mamondong lugar an marahay na dagang ini, na mayo nin nag-eerok.”

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.