Isaias 40:22 - Marahay na Bareta Biblia

²² Ginibo iyan kan nagtutukaw sa saiyang trono sa itaas kan daga asin lampas pa sa langit; an mga tawo sa daga arog na sana kasadit sa mga doron. Inunat niya an langit siring sa sarong kurtina, siring sa sarong eerokan na tolda.

Isaias 40:22 ပူးပေါင်းရင်းမြစ်များ

Genesis 1:6

Dangan nagboot an Dios, “Magkaigwa nin kahiwasan na masuhay kan katubigan tanganing mamugtak ini sa duwang lugar.”

An Libro ni Job 22:14

Naghohona kang huli sa mahibog na mga panganoron, dai na siya makakahiling, mantang naglalakaw siya sa pagultanan kan daga saka langit.

An Libro ni Job 26:7

Biniklad nin Dios an langit sa amihan dangan saiyang binitay an daga sa tahaw kan kahiwasan.

An Libro ni Job 36:29

May makakasabot daw kan paglakop kan mga panganoron, kan pagdaguldol hale sa kalangitan na saiyang pinag-eerokan?

An Libro ni Job 37:18

Matatabangan mo daw an Dios sa pagbiklad kan kalangitan asin sa pagpatagas kaiyan siring sa pinakintab na metal?

An Libro ni Job 9:8

Siya sanang saro an nagbiklad kan kalangitan asin an nagtimaktimak kan likod kan dragon sa dagat.

Salmo 104:2

natatahoban ka nin kaliwanagan. An kalangitan biniklad mo arog sa sarong tolda.

Salmo 18:11

Ginibo niyang pantahob an kadikloman; napalibotan siya nin mahibog na mga dampog na pano nin tubig.

Salmo 19:4

alagad nakakalakop sa bilog na kinaban an saindang tingog, sagkod sa mga poro kan daga iyan nadadangog. An Dios naggibo nin tolda sa langit para sa aldaw;

Salmo 2:4

Nagngingisi an nagtutukaw sa kalangitan; pinagtutuya-tuya sinda nin Kagurangnan.

Salmo 29:10

An baha pinaghahadean nin Kagurangnan. An Kagurangnan hade sagkod pa man.

Salmo 68:33

sa saiya na naglulunad sa kalangitan, mga suanoy na kalangitan. Uya, ipinapadara niya an saiyang tingog, an makosog niyang tingog.

Mga Talinhaga 8:27

Idtoon ako duman kan lalangon niya an kalangitan, kan palibotan niya nin orisonte an ibabaw kan dagat.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 37:16

“O Kagurangnan nin mga hukbo, Dios nin Israel, na nagtutukaw sa trono sa itaas kan mga kerubin, ika sana an Dios kan gabos na kahadean sa daga. Ika an naglalang kan langit asin kan daga.

Isaias 40:15

Sa Kagurangnan, an mga nasyon mayo nin halaga, arog sana sa sarong tagdo nin tubig; an mga isla siring sa alpog kagian.

Isaias 40:17

An gabos na nasyon mayo nin halaga sa saiyang atubang.

Isaias 42:4

Dai siya mawawaraan nin paglaom o kosog nin boot; papupusogon niya an hustisya sa kinaban. Hinahalat kan mga harayong daga an saiyang katukdoan.”

Isaias 42:5

Linalang nin Dios an kalangitan dangan biniklad niya iyan; siya an naggibo kan daga asin kan gabos na nag-eerok diyan; siya an nagtaong buhay saka hinangos sa gabos na katawohan. Ngunyan sinasabihan nin Kagurangnan Dios an saiyang sorogoon,

Isaias 44:24

“Ako an Kagurangnan, an saimong paraligtas; ako an naglalang saimo. Ako an Kagurangnan, an Kaglalang kan gabos na bagay. Ako sanang saro an nag-unat kan kalangitan; kan gibohon ko an kinaban mayo sakong nagtabang.

Isaias 51:13

Nalingawan na nindo an Kagurangnan na naggibo saindo, na nag-unat kan kalangitan asin nagpamugtak kan pundasyon kan kinaban? Tadaw ta mamumuhay kamong danay na takot sa kaanggotan kan mga nag-aapi saindo, kan mga andam sa pagraot saindo? Dai na makakaduta saindo an saindang kaanggotan.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 10:12

Ginibo nin Kagurangnan an daga huli kan saiyang kapangyarihan; huli kan saiyang kadonongan linalang niya an kinaban, asin huli kan saiyang pakasabot biniklad niya an kalangitan.

Zacarias 12:1

Iyo ini an mensahe dapit sa Israel hale sa Kagurangnan, an Kagurangnan na nagbiklad kan kalangitan, naglalang kan kinaban, asin nagtao nin buhay sa tawo. Nagsasabi siya,

Mga Bilang 13:33

Dangan nakahiling pa kami duman nin mga higante, an kapagarakian ni Anak. Sa paghiling mi, garo sana kami mga doron, asin arog man siguro kaiyan an paghona ninda samo.”