Isaias 40:2 - Marahay na Bareta Biblia

² Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 40:2 ပူးပေါင်းရင်းမြစ်များ

Genesis 34:3

Alagad nagayonan si Shekem ki Dina kun kaya tinuboan siya nin pagkamoot sa aking babae ni Jacob. Hiningowa ni Shekem na mahulog man an boot kaini saiya.

2 Mga Cronica 30:22

Inomaw ni Ezekias an mga Levita huli kan saindang kakayahan sa paglingkod sa Kagurangnan. Pakatapos kan pitong aldaw na pagdolot nin mga atang saka pag-omaw sa Kagurangnan, an Dios kan saindang mga ginikanan,

Salmo 32:1

Paladan an tawong pinatawad na an mga kasalan, an tawong napara na an kalapasan.

Salmo 85:3

Pinugol mo an saimong kaanggotan; pinakulpa mo an labi-labi mong kaanggotan.

Parahulit 3:4

panahon nin pagtangis, dangan panahon nin pagngisi; panahon nin pagmondo, dangan panahon nin pagsayaw;

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 14:3

An banwaan nin Israel tatawan nin Kagurangnan nin kapahingaloan sa saindang mga tinios na kulog saka kasakitan, asin sa magabat na trabaho na pirit na ipinagibo sainda.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 33:24

Mayo nin siisay man na nag-eerok sa satong daga na mag-aagrangay na siya naghehelang, asin papatawadon an gabos na kasalan.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Isaias 49:25

Nagsisimbag an Kagurangnan, “Maaagaw maski an mga nabihag kan mga soldados, asin maaagaw an sinamsaman kan makuring mananakop. Lalabanan ko an nakikilaban saindo asin ililigtas ko an mga aki nindo.

Isaias 51:17

Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.

Isaias 53:5

Alagad huli kan satong mga kasalan linugad siya, huli kan ginibo tang karatan hinampak siya. Nabolong kita huli kan padusa na saiyang tinios, naomayan kita huli kan mga hampak na saiyang inako.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Isaias 54:15

Kun may magsalakay saimo iyan bakong kabotan ko; madadaog an siisay man na makikilaban saimo.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 6:7

Dinutaan niya kan baga an sakong mga ngabil dangan nagsabi, “Nadutaan na kaini an saimong mga ngabil; mayo na an saimong karatan, asin pinatawad na an saimong mga kasalan.”

Isaias 61:7

Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Isaias 66:13

Rarangahon ko kamo sa Jerusalem, siring kan pagranga nin sarong ina sa saiyang aki.

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 51:10

Nagsasabi an Kagurangnan, “Nagkukurahaw an sakong banwaan, ‘Ipinahiling nin Kagurangnan na tama kita. Magduman kita sa Sion saka ipahayag ta an ginibo nin Kagurangnan na satong Dios.’”

Mga Panambitan 4:22

An Sion nagbayad na kan saiyang kasalan; hahaleon na kami nin Kagurangnan sa pagkatapokan. Alagad, O Edom, papadusahan ka nin Kagurangnan; ihahayag niya an saimong mga kasalan.

Ezekiel 16:42

Dangan mahahale an sakong kaanggotan asin matotoninong ako. Dai na ako maaanggot asin mag-iimon.

Daniel 11:35

Gagadanon an nagkapira sa mga madonong na lider, alagad an magigin bunga kaiyan iyo an paglinig kan banwaan. Padagos na mangyayari ini sagkod na mag-abot an kataposan, an panahon na itinalaan nin Dios.

Daniel 12:4

Tinaraman niya ako, “Ngunyan, Daniel, serahan mo an libro dangan bugtakan mo nin selyo sagkod na mag-abot an kataposan nin kinaban. Mantang dai pa iyan nangyayari, dakul na tawo an magsasayang nin panahon sa pagsabot kan nangyayari.”

Daniel 12:9

Nagsimbag siya, “Magpuli ka na, Daniel, huli ta kaipuhan magin hilom an mga tataramon na ini sagkod na dumatong an kataposan.

Daniel 9:12

Pinatotoohan mo an sinabi mong gigibohon sa samo asin sa samong mga pamayo. Orog mong pinadusahan an Jerusalem ki sa ibang syudad sa daga.

Daniel 9:2

Kan enot na taon kan saiyang paghahade, nag-adal ako kan mga banal na libro asin naghorophorop dapit sa setentang taon na magigin rumpag an Jerusalem, sosog sa itinaram nin Kagurangnan ki propeta Jeremias.

Oseas 2:14

Kaya ipag-iiba ko giraray siya sa desyerto; duman bibihagon ko giraray siya sa paagi nin mga tataramon nin pagkamoot.

Oseas 2:16

Dangan aapodon niya giraray ako na saiyang agom—dai na niya nanggad ako aapodon na saiyang Baal.

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Sofonias 3:15

Inontok nin Kagurangnan an pagpadusa saimo; hinale niya an gabos mong kaiwal. An Kagurangnan, an Hade nin Israel, kaibahan mo; mayo ka na nin dahelan tanganing matakot.

Zacarias 1:13

Sa makararangang mga tataramon, sinimbag nin Kagurangnan an anghel,

Zacarias 1:15

Anggot ako nin marahay sa mga nasyon na nakakamate ngunyan nin katoninongan. Huli ta mantang pinupugolan ko an sakong kaanggotan laban sa sakong banwaan, orog pang dinagdagan kan mga nasyon an kasakitan kan sakong banwaan.

Zacarias 9:12

Magpuli na kamo, mga itinapok na ngunyan igwa nang paglaom; magpuli kamo sa ligtas nindong mga harong. Ngunyan tinataraman ko kamo na babayadan ko nin dobleng bendisyon an gabos na tinios nindo.

Mga Gibo 1:7

Nagsimbag si Jesus, “An mga aldaw asin an mga panahon itinalaan kan sakong Ama huli kan saiyang kapangyarihan; dai nasa saindo an pakaisi kaiyan.

Galacia 4:4

Alagad kan umabot na an tamang panahon, sinugo nin Dios an sadiri niyang Aki, ipinangaki nin sarong babae dangan nabuhay sa irarom kan Katogonan kan mga Judio.

Kapahayagan 18:6

Gibohon nindo saiya an ginibo niya saindo; baloson nindo nin doble an saiyang ginibo. An saiyang kopa panoon nindo nin inomon na doble an isog ki kan inandam niyang inomon para saindo.