Isaias 40:19 - Marahay na Bareta Biblia

¹⁹ Bako siya arog sa dios-dios na ginigibo nin mga tawo, na pinapatos nin bulawan kan mga panday asin ibinababaw sa patungtongan na plata.

Isaias 40:19 ပူးပေါင်းရင်းမြစ်များ

Salmo 135:15

An mga dios-dios kan mga nasyon gibo sa plata asin bulawan, gibo kan mga kamot nin katawohan.

Salmo 135:18

An naggibo sainda magin arog logod sainda; siring man an gabos na minasarig sainda!

Isaias 2:20

Sa aldaw na iyan, an saindang mga dios na plata saka bulawan itatapok kan katawohan sa mga kino saka mga paniki, mga dios na saindang ginibo tanganing sambahon.

Isaias 2:8

An saindang daga pano na nin mga ladawan; asin sinasamba ninda an mga bagay na gibo kan saindang kamot.

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Jeremias 10:9

An saindang mga dios napapatos nin plata na hale sa Espanya asin nin bulawan na hale sa Ufaz, an gabos ginibo kan mga paraukit asin kan mga panday; nagugubingan an mga iyan nin telang kolor lila saka purpura na hinabol nin mga ekspertong parahabol.

Daniel 5:4

Nag-irinom sinda nin arak, asin nag-oromaw sa mga dios-dios na gibo sa bulawan, plata, bronse, lansang, kahoy, saka gapo.

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Hukom 17:4

Kan ibalik ni Micas an kwarta sa saiyang ina, nagkua ini nin duwang gatos na pedasong plata asin itinao sa sarong platero na guminibo nin dios-dios na inukit hale sa kahoy asin pinatos nin plata. An dios-dios ibinugtak sa harong ni Micas.