Isaias 40:15 - Marahay na Bareta Biblia

¹⁵ Sa Kagurangnan, an mga nasyon mayo nin halaga, arog sana sa sarong tagdo nin tubig; an mga isla siring sa alpog kagian.

Isaias 40:15 ပူးပေါင်းရင်းမြစ်များ

Genesis 10:5

Sinda an mga ginikanan kan mga tawong nag-eerok sa mga baybayon asin sa mga isla. Sinda an mga aking lalaki ni Jafet, na an lambang saro nagin dakulang nasyon na may sadiring daga saka lengwahe.

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Isaias 2:22

Dai na kamo magsarig sa mga tawo, huli ta ano an makukua nindo saiya?

Isaias 29:5

Alagad an gabos na dayuhan na masalakay saimo, Jerusalem, ipapalid siring sa alpog, asin an saindang mga nakakatakot na hukbo maralayog siring sa dagami. Dangan sa madali, sa oras na dai mo linalaoman,

Isaias 40:22

Ginibo iyan kan nagtutukaw sa saiyang trono sa itaas kan daga asin lampas pa sa langit; an mga tawo sa daga arog na sana kasadit sa mga doron. Inunat niya an langit siring sa sarong kurtina, siring sa sarong eerokan na tolda.

Isaias 41:5

“An mga tawo sa hararayong mga daga nakahiling kan sakong ginibo, kaya pinagtarakigan sinda sa takot. Nagtiripon sinda asin nagdirigdi sinda gabos.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Daniel 11:18

Pakatapos kaiyan, sasalakayon niya an mga nasyon sa tampi kan dagat asin sasakopon niya an kadaklan sainda. Alagad dadaogon siya kan sarong dayuhan na lider asin tataposon kaini an saiyang kapaabaw-abawan; sa katotoohan ipapakakan kan lider na ini sa hade nin Siria an kapalangkawan kaini.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.