Isaias 40:12 - Marahay na Bareta Biblia

¹² Siisay na tawo an nakasukol kan katubigan sa paagi nin pagsaldok kaiyan sa saiyang palad o nakasukol kan langit sa paagi nin pagdupa kan saiyang kamot? May nakabugtak na daw kan daga kan kinaban sa sarong takadan, o nakatimbang kan kabukidan saka kabubuldan sa mga timbangan?

Isaias 40:12 ပူးပေါင်းရင်းမြစ်များ

An Libro ni Job 28:25

Kan itao nin Dios sa doros an kapangyarihan kaiyan asin itinalaan an sukol kan katubigan;

Mga Talinhaga 30:4

Siisay an nagsakat sa langit dangan naghilig? Siisay an nakapugol kan doros sa saiyang mga kamot? Siisay an nakapatos kan katubigan sa sarong pedaso nin tela? Siisay an nagbugtak kan mga pagdolonan kan kinaban? Siisay siya, kun aram mo? Siisay an saiyang aking lalaki?

Isaias 48:13

An sakong kamot an nagbugtak kan pundasyon kan kinaban asin an nagbiklad kan kalangitan. Kun inaapod ko an kinaban saka an kalangitan, minadatong sinda tolos asin minatindog sa sakong atubang.

Jeremias 31:37

Kun masukol na an kalangitan saka masiyasat an pundasyon kan daga, dangan pa sana niya isisikwal an banwaan nin Israel, huli kan gabos nindang ginibo. An Kagurangnan an nagtaram.

Amos 4:13

An Dios iyo an naggibo kan kabukidan asin an naglalang kan mga doros. Ipinapahayag niya an saiyang kaisipan sa tawo; ginigibo niyang banggi an aldaw. Naglalakaw siya sa mga alitoktok kan kinaban. Iyo ini an saiyang ngaran: an Kagurangnan, an Dios nin mga hukbo!

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.