Isaias 4:5 - Marahay na Bareta Biblia

⁵ Dangan sa ibabaw kan Bukid nin Jerusalem asin sa mga nagkatiripon duman, mapadara an Kagurangnan nin dampog sa aldaw, asin aso saka sarong maliwanag na kalayo sa banggi. An bilog na syudad tatahoban asin iingatan kan kamurawayan nin Dios.

Isaias 4:5 ပူးပေါင်းရင်းမြစ်များ

Nehemias 9:12

Kun aldaw pinangenotan mo sinda huli sa hariging panganoron; kun banggi inilawan mo an saindang dalan huli sa hariging kalayo.

Salmo 105:39

Nagbugtak siya nin sarong panganoron bilang pantahob, asin kalayo nganing magtao nin liwanag kun banggi.

Salmo 111:1

Omawon an Kagurangnan! Bilog na puso kong papasalamatan an Kagurangnan sa katiriponan nin mga matanos.

Salmo 78:14

Kun aldaw, pinapangenotan niya sinda sa paagi nin panganoron; asin sa bilog na banggi, sa paagi nin kalayo.

Salmo 85:9

Totoong harani na an kaligtasan para sa mga may pagkatakot saiya, nganing an kamurawayan mag-erok sa daga.

Salmo 89:7

Siya sarong Dios na ginagalangan sa katiriponan nin mga banal; dakula asin kinatatakotan kan gabos na nasa palibot niya.

Exodo 14:24

Kan maaga na, an mga Egipcio dinungaw nin Kagurangnan hale sa harigi nin kalayo asin nin panganoron dangan tinakot niya sinda.

Exodo 24:16

An kamurawayan nin Kagurangnan nag-ontok sa Bukid nin Sinai. Sa paghiling kan mga Israelita, an kamurawayan nin Kagurangnan arog sa malaad na kalayo sa alitoktok kan bukid. Anom na aldaw na natahoban nin panganoron an bukid. Sa ikapitong aldaw, hale sa panganoron, inapod nin Kagurangnan si Moises.

Exodo 26:1

“Gibohon nindo an Tabernakulo. An gagamiton nindo sampolong kurtina nin mga hinabol na pinong lino asin telang lana na kolor asul, purpura saka pula. Burdahan nindo iyan nin mga kerubin.

Exodo 26:7

“Gumibo man kamo nin tolda na pantahob sa Tabernakulo; an gagamiton nindo onseng kurtina na gibo sa balukag nin kanding.

Isaias 32:18

An banwaan nin Dios mag-eerok sa katoninongan asin katiwasayan sa saindang mga harong saka sa toninong na mga erokan. (

Isaias 33:20

Hilinga nindo an Sion, an syudad na pinagseselebraran kan satong mga itinalaan na pyesta. Hilinga an Jerusalem! Iyan magigin sarong ligtas na lugar na erokan! Makakaagid iyan sa sarong tolda na dai nanggad liniwat, na an mga taldok dai nanggad mabubulnot asin an mga pisi dai nanggad mapuputol.

Isaias 37:35

Susurogon ko an syudad na ini, huli na sana kan sakong onra asin huli kan mga ginibo ko ki David na sakong sorogoon.’”

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Isaias 60:1

Tindog, Jerusalem, asin pagliwanag siring sa aldaw! Nagliliwanag sa saimo an kamurawayan nin Kagurangnan!

Isaias 60:2

An ibang nasyon matatahoban kan kadikloman, alagad maliliwanagan ka kan ilaw nin Kagurangnan; iibahan ka kan liwanag nin saiyang presensya.

Mateo 18:20

Huli ta kun may duwa o tolo katawo na nagtitiripon sa ngaran ko yaon ako sa kaibahan ninda.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”