Isaias 39:2 - Marahay na Bareta Biblia

² Inako ni Ezekias an mga sugo dangan ipinahiling niya sainda an saiyang kayamanan—an saiyang mga plata saka bulawan, an saiyang mga pahamot saka mamahalon na lana, asin an gabos niyang kagamitan sa hukbo. Ipinahiling niya sainda an gabos na nasa mga kwartong sarayan asin an nasa gabos na lugar na sakop kan saiyang kahadean.

Isaias 39:2 ပူးပေါင်းရင်းမြစ်များ

1 Mga Hade 10:10

Itinao niya ki Hadeng Solomon an mga regalong dara niya: sobra sa kwatro mil na kilo nin bulawan asin dakul na pahamot saka mga mahalagang bato. An halaga kan mga pahamot na itinao niya ki Solomon iyo an pinakadakul sa mga inako na ni Solomon. (

1 Mga Hade 10:15

laen pa kan mga buhis na ibinayad kan mga negosyante, kan ganansya sa negosyo, asin kan buhis na ibinayad kan mga hade sa Arabia patin kan mga gobernador sa mga distrito nin Israel.

1 Mga Hade 10:2

Nag-abot siya sa Jerusalem kaiba an kadakul na sorogoon, mga kamelyo na may kargang mga pahamot, dakul na bulawan saka mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

1 Mga Hade 10:25

An lambang saro sainda nagdara kan saiyang regalo, mga kagamitan na bulawan saka plata, mga gubing, mga armas, mga pahamot, mga kabayo, sagkod mga mula; danay ining nangyayari taon-taon.

2 Mga Hade 20:13

Inako ni Ezekias an mga sugo dangan ipinahiling niya sainda an saiyang kayamanan—an saiyang plata saka bulawan, an saiyang mga pahamot saka mamahalon na lana, asin an gabos niyang kagamitan sa hukbo. Ipinahiling niya sainda an gabos na nasa mga kwartong sarayan asin an nasa gabos na lugar na sakop kan saiyang kahadean.

2 Mga Cronica 32:25

Alagad huli sa kapaabaw-abawan, dai lamang nagpahiling si Ezekias nin anoman na pasasalamat sa ginibo saiya nin Kagurangnan. Kaya an kaanggotan nin Kagurangnan duminatong saiya, sa Juda asin sa Jerusalem.

2 Mga Cronica 32:27

Nagyaman nin marahay si Hadeng Ezekias asin inomaw kan gabos. Nagpagibo siya nin mga kwartong sarayan nin bulawan, plata, mga mahalagang bato, mga pahamot, mga kalasag, asin iba pang mahalagang mga kagamitan.

2 Mga Cronica 32:31

Kan magduman an mga sugo na mga taga Babilonia sa pagsiyasat kan mga nangyayari sa saiyang daga, pinabayaan nin Kagurangnan si Ezekias sa mga palakaw kaini tanganing baloon an hade asin aramon an nasa puso niya.

2 Mga Cronica 9:1

Nadangog kan reyna nin Sheba an kabantogan ni Solomon, kaya nagduman siya sa Jerusalem tanganing baloon si Solomon sa paagi nin dipisil na mga hapot. Ipinag-iba niya an dakulang grupo nin mga katabang, saka mga kamelyo na may kargang mga pahamot, dakul na bulawan asin mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

2 Mga Cronica 9:9

Dangan tinawan si Hadeng Solomon kan reyna nin sobra sa kwatro mil na kilo nin bulawan asin kadakul na mga pahamot saka mahalagang mga bato; mayong makakadaog sa mga pahamot na itinao kan reyna nin Sheba ki Solomon. (

An Libro ni Job 31:25

kun nag-orgulyo ako huli ta dakul an sakong kayamanan o huli ta dakul an natipon kan sakong kamot;

Mga Talinhaga 4:23

Ingatan mo an saimong kaisipan, huli ta minabulos hale diyan an mga burabod nin buhay.

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

2 Corinto 12:7

Alagad tanganing dai magdakula an sakong payo huli sa mga nahiling kong mga makangangalas na bagay, tinawan ako nin tiunay sa hawak bilang sugo ni Satanas, tanganing patioson ako asin dai ako magin mapaabaw-abaw.

1 Juan 1:8

Kun magsabi kita na mayo kita nin kasalan, dinadaya ta an sadiri ta, asin mayo sato an katotoohan.