Isaias 38:5 - Marahay na Bareta Biblia

⁵ na magbalik ki Ezekias asin sabihan, “Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling ko an saimong mga luha; tutugotan takang mabuhay pa sa laog nin kinseng taon.

Isaias 38:5 ပူးပေါင်းရင်းမြစ်များ

1 Mga Hade 15:4

Alagad huli ki David, tinawan siya nin Kagurangnan, na saiyang Dios, nin aking lalaki na masalihid saiya sa paghade sa Jerusalem asin tanganing danay na mapapusog an Jerusalem.

1 Mga Hade 8:25

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

2 Mga Hade 18:13

Kan ikakatorseng taon kan paghahade ni Hadeng Ezekias, sinalakay ni Senakerib na emperador nin Asiria an pusog na mga syudad nin Juda dangan sinakop an mga ini.

2 Mga Hade 18:2

Beynte y singkong taon an edad ni Ezekias kan siya magin hade, asin beynte y nuebeng taon siyang naghade sa Jerusalem. An saiyang ina iyo si Abias na aki ni Zacarias.

2 Mga Hade 19:20

Dangan nagpadara nin mensahe si Isaias ki Ezekias na bilang kasimbagan sa pamibi kan hade

2 Mga Cronica 34:3

Sa ikawalong taon kan paghahade ni Josias, maski hoben pa siya, nagpoon siyang magsamba sa Dios nin saiyang ginikanan na si David. Pakalihis nin apat na taon, pinonan niyang haleon sa Juda saka sa Jerusalem an paganong mga lugar na pagsasambahan kan mga dios-dios asin an mga tanda kan diosang si Asera pati an inukit saka tinunaw na mga imahen.

An Libro ni Job 14:5

Aram mo na an lawig kan saiyang buhay, an bilang kan mga bulan niya digdi sa kinaban. Ika an nagboot kaiyan, asin dai iyan maliliwat.

Salmo 116:15

Makulog para sa Kagurangnan kun nagagadan an saro kan saiyang mga banal!

Salmo 147:3

Binobolong niya an mga pusong naraot, an mga lugad ninda saiyang binubugkos.

Salmo 39:12

Hinanyoga an sakuyang pamibi, Kagurangnan, asin dangoga an sakuyang inagrangay; kun ako maghibi dumolok ka sa pagtabang. Ako saro sanang bisita, sarong dayuhan, arog kan sakong mga ginikanan.

Salmo 56:8

Bilang mo an sakong mga horasa; bilang mo an sakuyang mga luha. Bako daw na sa saimong libro iyan nakatala?

Salmo 6:9

Dinadangog nin Kagurangnan an sakong pakimaherak; an sakong pamibi saiyang sinisimbag.

Parahulit 3:3

panahon nin paggadan, saka panahon nin pagpaomay; panahon nin pagrumpag, saka panahon nin pagtugdok;

Isaias 37:21

Dangan nagpadara si Isaias nin sarong mensahe ki Hadeng Ezekias bilang simbag sa pamibi kan hade,

Isaias 38:4

Dangan pinagbotan nin Kagurangnan si Isaias

Mga Panambitan 3:56

Nadangog mo kan ako makimaherak na hinanyogon mo an sakong inagrangay.

Mateo 22:32

‘Ako an Dios ni Abraham, ni Isaac, asin ni Jacob.’ Nangangahulogan ini na siya an Dios kan mga buhay, bako kan mga gadan.”

Lukas 1:13

Alagad sinabihan siya kan anghel, “Dai ka matakot, Zacarias! Dinangog nin Dios an pamibi mo; mangangaki nin lalaki an saimong agom, asin Juan an ingangaran mo sa aki.

Mga Gibo 27:24

Sinabihan ako kan anghel, ‘Dai ka matakot, Pablo, huli ta kaipuhan umatubang ka ki Cesar; dahel saimo, ililigtas nin Dios sa kagadanan an gabos na kaiba mo sa barko.’

2 Corinto 7:6

Alagad an Dios, na nagraranga kan mga nagluluya an boot, iyo man an nagranga samo huli kan pag-abot ni Tito.

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”