Isaias 38:19 - Marahay na Bareta Biblia

¹⁹ An nabubuhay iyo an nag-oomaw saimo, siring na inoomaw taka ngunyan. An mga ama an nag-oosip sa saindang kaakian kun gurano ka kaimbod.

Isaias 38:19 ပူးပေါင်းရင်းမြစ်များ

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Salmo 118:17

Dai ako magagadan, ata ngani mabubuhay asin irurukyaw ko an gibo nin Kagurangnan.

Salmo 119:175

Tugote akong mabuhay, tanganing maomaw taka; tabangan logod ako kan saimong mga katukdoan.

Salmo 145:4

Oomawon kan sarong henerasyon sa masunod na henerasyon an mga gibo mo, ibabalangibog ninda an dakula mong mga gibo.

Salmo 146:2

Oomawon ko siya mantang ako buhay; aawitan ko an sakong Dios sa bilog kong buhay.

Exodo 10:2

siring man tanganing ikaosip nindo sa saindong mga aki asin mga makoapo kun paano ginibong ngingisihan an mga Egipcio kan ipahiling ko sainda an mga ngangalasan. Kamo gabos makakamidbid na ako an Kagurangnan.”

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Joel 1:3

Isaysay nindo iyan sa saindong kaakian; isasaysay man ninda sa saindang kaakian, na iyo man an masaysay sa masunod na henerasyon.

Juan 9:4

Dapat na gibohon ta an ipinapagibo kan nagsugo sako, mantang aldaw pa; maabot an banggi asin mayo na nin makakapagtrabaho.

Deuteronomio 11:19

Itukdo nindo an mga iyan sa saindong mga aki. Sambiton nindo iyan sainda kun kamo nagtutukaw sa harong o kun kamo nasa paglakaw; kun kamo nagpapahingalo o kun kamo nagtatrabaho.

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

Deuteronomio 6:7

Itukdo nindo ini sa saindong mga aki. Ulit-uliton nindo sainda kun kamo nagtutukaw sa harong, kun naglalakaw sa dalan, kun nagpapahingalo saka kun kamo nagtatrabaho.