Isaias 38:18 - Marahay na Bareta Biblia

¹⁸ Mayong makakaomaw saimo sa kinaban kan mga gadan; dai makakasarig sa saimong kaimbodan an sarong gadan.

Isaias 38:18 ပူးပေါင်းရင်းမြစ်များ

Salmo 28:1

Sa saimo, Kagurangnan, ako minaapod; hinanyoga ako, O sakuyang parasurog. Kun dai ka sako magdangog, makakaarog ako sa mga nahulog sa kalot.

Salmo 30:9

“Anong pakinabang mo kun ako magadan, kun ako maghilig sa lulubngan? Oomawon ka daw kan alpog? Ikakabalangibog daw kaini an saimong pagkamaimbod?

Salmo 6:5

Sa lugar nin mga gadan dai ka nagigiromdoman; sa Sheol siisay an matao saimo nin kaomawan?

Salmo 6:6

Napapagal na ako sa kaaagrangay; barubanggi dumog sa luha an sakong higdaan; natutomtom sa luha an sakong ulonan.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Mga Bilang 16:33

Kaya nalubong sindang buhay kaiba an saindang mga pagsadiri. Suminera an daga sagkod dai na sinda nahiling kan mga Israelita.

Mateo 25:46

Kaya an mga ini isusubol sa daing kataposan na padusa, alagad an mga matanos maduman sa buhay na daing kataposan.”

Mateo 8:12

Alagad an mga aki kan Kahadean, iaapon sa kadikloman sa luwas; duman magtatangis sinda asin magraragot an saindang mga ngipon.”