Isaias 38:14 - Marahay na Bareta Biblia

¹⁴ Sadit asin maluya an sakong tingog, asin nag-aguro ako arog sa sarong salampati. Napagal an sakong mga mata sa kahihiling sa langit. Kagurangnan, ligtasan ako sa gabos na kasakitan na ini.

Isaias 38:14 ပူးပေါင်းရင်းမြစ်များ

An Libro ni Job 17:3

Dai ako nagpuputik, O Dios. Akoa an sakong tataramon. Mayo nin mapatotoo sa sakong tinataram.

An Libro ni Job 30:29

Ako tugang na lalaki kan mga lalaw na ayam, asin danay na kaibahan kan mga darakulang gamgam.

Salmo 119:82

Nanlalabog na an sakong mga mata sa kahahalat para sa saimong ipinanuga, mantang naghahapot ako, “Nuarin mo ako rarangahon?”

Salmo 143:7

Paghumare sa pagsimbag sako, Kagurangnan! Pinanluluya an sakuyang espiritu! Hare pagtagoa sako an lalawogon mo, tibaad makaarog ako sa mga nahulog sa lulubngan.

Salmo 55:2

Himatea ako asin simbaga; pagal na ako huli kan sakong mga kahandalan.

Salmo 69:3

Napapagal na ako sa kahihibi; mamara na an sakuyang halonan. Nagdidiklom na an sakuyang mga mata, sa kahahalat saimo, O Dios.

Isaias 59:11

Nag-uungal kami na garo oso; nag-aaguro kami na garo mga salampati. Hinahalat mi an Dios na iligtas kami sa pang-aapi asin sa karatan, alagad mayong nangyayari.

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Ezekiel 7:16

An nagkapira makakadulag pasiring sa kabukidan siring sa mga salampating tinakot sa mga kapantayan. Sinda gabos mag-aagrangay para sa saindang mga kasalan.

Nahum 2:7

Nabihag na an reyna; nag-aaguro siring sa mga salampati an sorogoon niyang mga babae asin pinagtutumbok ninda an saindang daghan sa kamondoan.

Nahum 2:8

Arog sa tubig hale sa nagabang dike an mga tawo nagdadaralagan hale sa Nineve! “Ontok! Ontok!” an nadangog na kurahaw— alagad maski saro mayong nagbalik.

Hebreyo 7:22

Huli kaini si Jesus nagin sangra nin sarong tipan na mas marahay ki kan enot.