Isaias 38:10 - Marahay na Bareta Biblia

¹⁰ Naghona ako na sa kaodtohan nin buhay maduman na ako sa kinaban kan mga gadan, tanganing duman na mag-erok sagkod pa man.

Isaias 38:10 ပူးပေါင်းရင်းမြစ်များ

An Libro ni Job 6:11

Ano pang kosog an uya sako tanganing padagos na mabuhay? Tadaw ta padagos pa akong mabubuhay kun mayo na akong paglaom?

An Libro ni Job 7:7

“Giromdoma, O Dios, na saro sanang hinangos an sakong buhay; haloy nang natapos an sakong kaogmahan.

Salmo 102:24

Olay ko, “O Dios, hare ako pagkuaha ngunyan, bago ako gumurang, ika na nabubuhay sagkod pa man sa gabos na kapagarakian.”

Salmo 102:25

Kaidto saimong linalang an daga; asin an kalangitan hinaman kan saimong kamot.

Salmo 107:18

hinaboan ninda an anoman na pagkakan asin harani na sinda sa kagadanan.

Salmo 31:23

Kamong mga banal, kamotan nindo an Kagurangnan! An mga maimbod saiyang inaataman, alagad pinapadusahan an mapaabaw-abaw.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 38:1

Kan panahon na idto, naghelang si Hadeng Ezekias asin haros magadan siya. Dinalaw siya kan propetang si Isaias na aking lalaki ni Amoz asin sinabihan, “Tinataraman ka nin Kagurangnan na husayon mo an gabos huli ta magagadan ka. Dai ka na mararahay.”

Isaias 38:9

Kan narahay si Hadeng Ezekias sa saiyang helang, sinurat niya an awit nin pag-omaw na ini:

Jonas 2:6

Nakaabot ako sa mga gamot kan kabukidan, pasiring sa daga na an mga trangkahan danay na serado sagkod pa man. Alagad ika, O Kagurangnan na sakuyang Dios, an naghawas kan sakong buhay hale sa kairaroman.

2 Corinto 1:9

Namatean mi na garo kami hinatolan nin kagadanan. Alagad nangyari ini tanganing manarig kami bako sa sadiri ming kakayahan kundi sa Dios na iyo an nagbubuhay liwat kan mga gadan.