Isaias 38:1 - Marahay na Bareta Biblia

¹ Kan panahon na idto, naghelang si Hadeng Ezekias asin haros magadan siya. Dinalaw siya kan propetang si Isaias na aking lalaki ni Amoz asin sinabihan, “Tinataraman ka nin Kagurangnan na husayon mo an gabos huli ta magagadan ka. Dai ka na mararahay.”

Isaias 38:1 ပူးပေါင်းရင်းမြစ်များ

2 Samuel 12:22

Nagsimbag si David, “Totoo. Nag-ayuno ako asin nagtangis mantang buhay pa an aki. Naghona akong maheherak sako an Kagurangnan asin dai niya tutugotan na magadan an aki.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Mga Cronica 32:24

Kan panahon na idto, naghelang si Ezekias asin haros magadan siya. Namibi siya asin tinawan siya nin Kagurangnan nin sarong tanda na siya mararahay.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 37:2

Dangan sinugo niya ki Propeta Isaias, na aking lalaki ni Amoz, si Eliakim na namamahala kan palasyo, si Sebna na sekretaryo, asin an mga gurang na padi; gabos sinda nakasulot nin sako.

Isaias 37:21

Dangan nagpadara si Isaias nin sarong mensahe ki Hadeng Ezekias bilang simbag sa pamibi kan hade,

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 3:4

Nagpoon sa paglakaw sa syudad si Jonas, asin pakalakaw niya nin sarong aldaw, nagpahayag siya, “Matutunaw an Nineve pakalihis nin kwarentang aldaw!”

Mga Gibo 9:37

Sarong aldaw, naghelang siya saka nagadan. An bangkay niya kinarigos saka hinutad sa kwarto duman sa itaas.