Isaias 37:4 - Marahay na Bareta Biblia

⁴ Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Isaias 37:4 ပူးပေါင်းရင်းမြစ်များ

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

2 Mga Hade 17:18

Huli kaini, an Kagurangnan naanggot nin makuri sa mga Israelita, asin hinale niya sinda sa saiyang panhiling; mayo nin natada kundi an tribu sana ni Juda.

2 Mga Hade 19:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

2 Mga Cronica 28:19

Pinadarahan kan Kagurangnan nin kasakitan an Juda huli ta linapas ni Hadeng Ahaz an mga deretso kan mga tawo asin dai siya nagin maimbod sa Kagurangnan.

2 Mga Cronica 34:21

“Magduman kamo dangan makihumapot sa Kagurangnan para sako asin para sa natatada sa mga taga Israel saka Juda, manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an mga tataramon nin Kagurangnan, asin dai ginibo an gabos na ipinagboboot kan librong ini.”

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Salmo 50:21

An gabos na ini ginibo mo, asin ako nag-alo, kaya naghona kang arog ako saimo. Alagad sinagwe taka ngunyan asin ipinaliwanag an bagay na ini saimo.

Isaias 1:8

An Jerusalem binayaan arog sa sarong harong-harong sa ubasan, siring sa sarong sirongan sa tatamnan nin melon, arog sa syudad na sinasalakay.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 10:20

Maabot an panahon na an mga tawong natada sa Israel dai na mananarig sa nasyon na kadikit nang magpuho sainda, kundi sa Kagurangnan, an Banal nin Israel, sa bilog na katotoohan.

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 36:13

Dangan nagtindog an opisyal asin nagkurahaw sa lengwaheng Hebreyo, “Hinanyoga nindo an tataramon kan dakulang emperador, an emperador nin Asiria!

Isaias 36:18

Mag-ingat kamo ta tibaad dayaon kamo ni Ezekias sa pag-isip na ililigtas kamo nin Kagurangnan. Ikinaligtas daw kan mga dios kan arin man na nasyon an saindang daga sa kamot kan emperador nin Asiria?

Isaias 36:20

Kasuarin ilinigtas kan arin man sa mga dios na ini an saindang daga sa kamot kan emperador? Ano kun siring ta nag-iisip kamong pwedeng iligtas nin Kagurangnan an Jerusalem?”

Isaias 37:17

Hinanyoga ako, O Kagurangnan. Hilinga an nangyayari samo. Dangoga an mga tataramon ni Senakerib, na nagsugo sa pagtuyatuya saimo, an Dios na buhay.

Isaias 37:31

An mga magkakatarada sa Juda mag-uuswag siring sa mga tinanom na nakagamot nin hararom sa daga dangan namunga.

Isaias 37:32

Magkakaigwa man nin mga tawong matatada sa Jerusalem asin sa Bukid nin Sion, huli ta iyan an boot mangyari kan Kagurangnan nin mga hukbo.

Isaias 37:5

Pakadangog ni Isaias kan mensahe ni Hadeng Ezekias,

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 46:3

“Dangoga nindo ako, mga kapagarakian ni Jacob, gabos na natada sa sakong banwaan. Inataman ko kamo poon kan kamo mamundag.

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Daniel 2:18

Sinabihan niya sindang mamibi sa Dios nin langit dapit sa misteryong ini, tanganing dai sinda magadan kaiba kan mga parahatol sa Babilon.

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Amos 7:2

Sa sakong bisyon nahiling kong kinakakan kan mga doron an gabos na tinanom sa bilog na daga, dangan nagsabi ako, “Kagurangnan Dios, patawada an saimong banwaan! Paano sinda mabubuhay? Saradit sinda nin marahay saka maluluya!”

Roma 9:27

Alagad dapit sa mga Israelita, nagsabi si Isaias, “Dawa pa magdakul siring sa baybay kan dagat an kapagarakian ni Israel, dikit sana sainda an makakaligtas,

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

Josue 14:12

Kaya itao mo sako ngunyan an mabulod na daga na ipinanuga sako nin Kagurangnan kan aldaw na ako asin an mga kairiba ko nagpahayag manongod sa ginibo ming pagsiyasat. Sinabihan mi kamo kaidto na an rasa kan mga higanteng Anakim yaon duman sa mga syudad na napapalibotan nin kudal. Tibaad ibahan ako nin Kagurangnan, asin mapahale ko sinda siring sa itinaram nin Kagurangnan.”

1 Samuel 12:19

Nagsarabi sinda ki Samuel, “Pamibian man kami sa Kagurangnan na saimong Dios tanganing dai kami magkagaradan. Aram mi na ngunyan, na idinagdag mi pa sa gabos ming kasalan an karatan na ini, kan maghagad kami nin sarong hade.”

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.

1 Samuel 7:8

Nagsarabi sinda ki Samuel, “Dai ka mag-ontok sa pag-agrangay sa Kagurangnan na satong Dios para sa samo, tanganing iligtas niya kita sa kamot kan mga Filisteo.”