Isaias 37:36 - Marahay na Bareta Biblia

³⁶ Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Isaias 37:36 ပူးပေါင်းရင်းမြစ်များ

2 Samuel 24:16

Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

2 Mga Hade 19:35

Kan bangging idto sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga kan sunod na aldaw, mahihiling sindang nahuhutad, gabos gadan!

1 Mga Cronica 21:12

tolong taon nin gutom; o tolong bulan nin pagkadaog asin pagdulag sa mga hukbo nin saimong mga kaiwal; o tolong aldaw kan espada nin Kagurangnan, peste sa daga asin kagadanan na dadarahon kan malibot na anghel nin Kagurangnan sa bilog na Israel? Ngunyan sabihi ako kan simbag na dadarahon ko sa nagsugo sako.”

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

An Libro ni Job 24:24

Ilinalangkaw sinda sa halipot na panahon, dangan nawawara; naluluyos sinda asin nawawara siring sa mga doot, siring sa ohoy nin trigo na pinutol.

An Libro ni Job 34:20

Pwede sanang magadan nin hidali kun banggi an sarong tawo. Hahampakon nin Dios an mga tawo dangan nawawara sinda; mayo nin kapagalan na ginagadan niya an mga mapangyari.

Exodo 12:23

Malibot an Kagurangnan sa Egipto tanganing gadanon an mga Egipcio. Sa oras na mahiling niya an dugo sa mga hamba asin sa itaas kan mga pinto, dai niya tutugotan na lumaog an paragadan sa saindong mga harong tanganing gadanon kamo.

Exodo 12:30

Kan bangging idto, nagimata an hade, an saiyang mga opisyal, sagkod an gabos na Egipcio. Nagkaigwa nin makosog na pagtangis sa bilog na Egipto, huli ta mayo nin harong na dai nin gadan.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 10:25

Huli ta kadikit na sanang panahon asin matatapos na an pagpadusa saindo, dangan sinda an gagadanon ko.

Isaias 10:26

Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 27:7

Mas makuri an padusa na itinao nin Kagurangnan sa kaiwal nin Israel ki sa Israel, asin mas dakul na lalaki an nagkagaradan.

Isaias 29:5

Alagad an gabos na dayuhan na masalakay saimo, Jerusalem, ipapalid siring sa alpog, asin an saindang mga nakakatakot na hukbo maralayog siring sa dagami. Dangan sa madali, sa oras na dai mo linalaoman,

Isaias 31:8

Madadaog an Asiria sa gera, alagad bako huli sa kapangyarihan nin tawo. Madurulag sa gera an mga taga Asiria asin magigin mga oripon an saindang mga hoben na lalaki.

Daniel 3:28

Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Mikas 5:6

Huli sa saindang kosog, masasakop ninda an Asiria, an daga ni Nimrod, asin ililigtas ninda kita sa mga taga Asiria sa panahon na salakayon kan mga ini an satong teritoryo.

Nahum 1:12

Ini an sinasabi nin Kagurangnan sa saiyang banwaan na Israel: “Maski makokosog saka dakul an mga taga Asiria, magagadan sinda asin mawawara. Banwaan ko, pinatios taka, alagad dai ko na iyan gigibohon giraray.

Nahum 3:3

Nagsasalakay an mga parakabayo, nagsisilyab an mga espada, nagkikinang an mga garod! Tinatambak an mga bangkay, dai mabilang na mga gadan— nasisingkogan sinda nin mga tawo!

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.