Isaias 37:24 - Marahay na Bareta Biblia

²⁴ Sa paagi kan saimong mga sorogoon tinuyatuya mo ako, dangan nagsabi ka na huli kan kadakul mong karwahe nasakop mo an halangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres, asin na naabot mo an pinakapusod kan kadlagan.

Isaias 37:24 ပူးပေါင်းရင်းမြစ်များ

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Exodo 15:9

Nagsabi an kaiwal, ‘Lalamagon ko sinda asin dadakopon; saindang kayamanan sakong babangaon; gabos na magustohan sakong kukuahon asin sa bagsik kan espada gabos sasamsamon.’

Isaias 10:18

Magkakawarara an matabang mga kadlagan asin kaomahan, siring na an sarong mangirhat na helang minagadan sa tawo.

Isaias 10:33

Ihuhulog sinda kan Kagurangnan nin mga hukbo siring sa mga sangang pinurutol sa sarong kahoy. An pinakamapaabaw-abaw saka pinakamapalangkaw sainda pupulakon asin sosopogon.

Isaias 10:34

Papalodon sinda nin Kagurangnan siring sa mga kahoy sa tahaw nin kadlagan, asin marampahog sinda siring sa magagayon na kahoy sa Lebanon!

Isaias 14:8

An mga kahoy na sipres saka sedro nin Lebanon nag-oogma sa pagbagsak kan hade, huli ta mayo na nin mapalod sainda, ngunyan na mayo na siya!

Isaias 29:17

Siring sa kasabihan, dai mahahaloy, an mahibog na kadlagan magigin kaomahan, asin an kaomahan mabalik sa pagigin kadlagan.

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?

Isaias 37:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Jeremias 22:6

“Para sako, an palasyo nin Juda arog kagayon kan daga nin Gilead asin kan Bukid nin Lebanon; alagad gigibohon ko iyan na sarong mamondong lugar na mayo nin nag-eerok.

Jeremias 22:7

Mapadara ako nin mga tawong magaba kaiyan; an lambang saro sainda may darang patok. Puputolon ninda an magagayon na hariging sedro kaiyan saka itatapok sa kalayo.

Jeremias 46:8

An Egipto iyo an nag-iitaas arog kan Nilo, arog sa sarong salog na an tubig nagsusupay sa pangpang. Nagsabi an Egipto, ‘Maitaas ako asin tatahoban ko an kinaban; raraoton ko an mga syudad saka gagadanon an mga nag-eerok diyan.

Ezekiel 21:2

“Aki nin tawo, maghiling ka sa Jerusalem asin magtaram ka laban sa mga lugar na pinagsasambahan kan mga tawo. Patanidan mo an daga nin Israel

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”