Isaias 37:19 - Marahay na Bareta Biblia

¹⁹ Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 37:19 ပူးပေါင်းရင်းမြစ်များ

2 Samuel 5:21

Kan magdurulag an mga Filisteo, nagkawaralat an saindang mga dios-dios; an mga ini kinurua ni David asin kan saiyang mga tawohan.

Exodo 32:20

Kinua niya an baka na ginibo kan mga tawo, tinunaw sa kalayo, pinulbos, sinalakan nin tubig dangan ipinainom sa mga Israelita.

Isaias 10:7

Alagad igwa man nin sadiring plano an emperador nin Asiria. Boot niyang puhoon an dakul na nasyon.

Isaias 17:8

Dai na sinda magsasarig sa mga altar na saindang ginibo, o magsasarig sa gibo nin saindang kamot—mga simbolo kan diosang si Asera saka mga altar nin insenso.

Isaias 2:8

An saindang daga pano na nin mga ladawan; asin sinasamba ninda an mga bagay na gibo kan saindang kamot.

Isaias 26:14

Garadan na sinda ngunyan asin dai na mabubuhay giraray; dai na mabangon an saindang mga kalag, huli ta pinadusahan mo sinda asin saimong ginadan. Mayo nang nakakagiromdom sa sainda ngunyan.

Isaias 41:24

Kamo asin an gabos nindong gibo mayo nin halaga; makauuyam an mga nagsasamba saindo!

Isaias 41:29

Mayong kamugtakan an mga dios-dios na ini; mayo sindang nagigibo— maluluya saka mayo nin kapangyarihan an mga ladawan na ini.”

Isaias 41:7

Nagsasabi an karpintero sa alahero, ‘Marahay an saimong ginigibo! An lalaking naglilinig kan ladawan nagpapakosog kan boot kan lalaking nagbibilog kaiyan. Nagsasabi sinda, ‘Marahay an pakasolda’— dangan ipinapako ninda an ladawan sa pamumugtakan kaiyan.

Isaias 44:17

An natada na kahoy ginigibo niyang sarong ladawan, dangan minaluhod dangan minasamba kaiyan. Pinapamibian niya iyan asin minasabi, “Ika an sakong dios—ligtasan ako!”

Jeremias 1:16

Papadusahan ko an sakong banwaan huli ta nagkasala sinda; nagtalikod sinda sako, nagdolot nin mga sakripisyo sa mga dios-dios, dangan naggibo nin mga ladawan saka sinamba iyan.

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Jeremias 16:20

Makakagibo daw an tawo nin sadiri niyang mga dios? Dai! Kun gumibo siya, an mga iyan dai pwedeng magin totoong dios.”

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Daniel 11:8

Dadarahon niya sa Egipto an mga ladawan kan saindang mga dios-dios saka mga bagay na gibo sa bulawan asin plata na kinonsagra sa mga dios-dios na idto. Pakalihis nin nagkapirang taon nin katoninongan,

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Galacia 4:8

Kaidto na bako pa nindo midbid an Dios, oripon kamo kan mga espiritu na bakong hale sa Dios.