Isaias 37:18 - Marahay na Bareta Biblia

¹⁸ Totoong gayo, O Kagurangnan, na rinaot kan mga emperador nin Asiria, an mga nasyon asin an saindang mga daga.

Isaias 37:18 ပူးပေါင်းရင်းမြစ်များ

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 16:9

Dinangog kan emperador an saiyang pakimaherak. Sinalakay ni Tiglat-pileser an Damasco asin nasakop niya ini. Ginadan niya si Hadeng Rezin asin an mga tawo dinara niyang bihag pasiring sa Kir.

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

1 Mga Cronica 5:26

Kaya pinangyari nin Dios na sakopon an saindang daga ni Pul na emperador kan Asiria (inaapod man sa ngaran na Tiglat-pileser). An mga tribu ni Ruben, Gad, asin Manases sa sirangan itinapok asin duman sinda nag-erok sa Hala, Habor, saka Hara, asin sa may Salog nin Gozan. Duman na sinda nag-erok sagkod ngunyan.

Isaias 49:17

“An mga mahirahay saimo madali nang dumatong, asin maharale na an mga nagraot saimo.