Isaias 37:12 - Marahay na Bareta Biblia

¹² Rinaot kan sakong mga ginikanan an mga syudad nin Gozan, Haran, saka Rezep, dangan ginaradan ninda an mga taga Eden na nag-erok sa Tel-asar; mayo ni saro sa saindang dios an nagligtas sa sainda.

Isaias 37:12 ပူးပေါင်းရင်းမြစ်များ

Genesis 11:31

Kan maghale si Tera sa Ur kan Babilonia tanganing magduman sa Canaan, ipinag-iba niya si Abram na saiyang aki, an makoapo niyang si Lot na aki ni Haran asin an manugang niyang si Sarai; alagad kan makaabot sinda sa Haran, duman na sinda nag-erok.

Genesis 11:32

Nagadan si Tera sa Haran sa edad na dos syentos singkong taon.

Genesis 12:14

Kan maglaog na si Abram sa Egipto, nahiling kan mga Egipcio na talagang magayon an saiyang agom.

Genesis 2:8

Dangan nagbugtak an Kagurangnan Dios nin sarong tatamnan sa Eden sa parteng sirangan, asin duman niya ibinugtak an tawo na saiyang ginibo.

Genesis 28:10

Naghale si Jacob sa Beer-sheba asin nagpasiring sa Haran.

Genesis 29:4

Hinapot ni Jacob an mga pastor, “Mga tugang, mga taga saen kamo?” Nagsimbag sinda, “Taga Haran.”

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 18:11

An mga Israelita dinara sa Asiria kan emperador nin Asiria bilang mga bihag dangan pinaerok sa syudad nin Hala, asin sa harani kan Salog nin Habor sa distrito nin Gozan, saka sa mga syudad nin Media.

2 Mga Hade 19:12

Rinaot kan sakong mga ginikanan an mga syudad nin Gozan, Haran asin Rezef, dangan ginadan ninda an mga taga Eden na nag-erok sa Tel-assar; mayo sa saindang mga dios an nakapagligtas sa sainda.

Isaias 36:18

Mag-ingat kamo ta tibaad dayaon kamo ni Ezekias sa pag-isip na ililigtas kamo nin Kagurangnan. Ikinaligtas daw kan mga dios kan arin man na nasyon an saindang daga sa kamot kan emperador nin Asiria?

Isaias 36:19

Haen na ngunyan an mga dios nin Hamat asin Arpad? Haen na an mga dios nin Sefarvaim? Ikinaligtas daw ninda an Samaria?

Isaias 36:20

Kasuarin ilinigtas kan arin man sa mga dios na ini an saindang daga sa kamot kan emperador? Ano kun siring ta nag-iisip kamong pwedeng iligtas nin Kagurangnan an Jerusalem?”

Isaias 37:13

Haen na an mga hade kan mga syudad nin Hamat, Arpad, Sefarvaim, Hena, asin Ivva?”

Ezekiel 27:23

Nakipagnegosyo saimo an mga syudad nin Haran, Canne, saka Eden, an mga negosyante nin Sheba, asin an mga syudad nin Assur saka Kilmad.

Ezekiel 28:13

Nag-erok ka sa Eden, an tatamnan nin Dios, dangan sulot mo an gabos na mahahalagang bato: rubi saka diamante; topasyo, berilo, kornalina, saka haspe; safiro, esmeralda asin karbunko. Igwa ka nin mga samno na gibo sa bulawan. Ginibo iyan para saimo kan aldaw na lalangon ka.

Amos 1:5

Roronoton ko an mga trangkahan nin Damasco asin hahaleon ko an mga nag-eerok sa Kapantayan nin Aven, saka an pamayo nin Bet-eden. Dadarahon bilang mga bilanggo an mga taga Siria pasiring sa Kir.”

Mga Gibo 7:2

Nagsimbag si Esteban, “Mga tugang saka mga magurang, himatea nindo ako! An Dios nin kamurawayan nagpahiling sa satong ginikanan na si Abraham kan yaon pa siya sa Mesopotamia, bago siya nag-erok sa Haran.