Isaias 37:1 - Marahay na Bareta Biblia

¹ Kan madangog ini ni Hadeng Ezekias, ginisi niya an saiyang gubing sa kamondoan, nagsulot siya nin sako, asin nagduman sa Templo nin Kagurangnan.

Isaias 37:1 ပူးပေါင်းရင်းမြစ်များ

2 Mga Hade 22:11

Kan madangog kan hade an nasusurat sa libro, ginisi niya an saiyang gubing.

2 Mga Cronica 32:20

Huli kaini, namibi saka naghagad nin tabang sa Dios si Ezekias asin an propetang si Isaias na aking lalaki ni Amoz.

Esdras 9:5

Kan oras na kan pagdolot kan pangbangging sakripisyo, nagtindog ako hale sa pagmondo asin mantang sulot ko pa an gisi kong gubing saka alikboy nagluhod ako asin initaas ko an sakong mga kamot sa pagpamibi sa Kagurangnan na sakuyang Dios.

Esther 4:1

Kan naaraman ni Mardokeo an gabos na ini, ginisi niya an saiyang gubing huli sa kamondoan. Nagsulot siya nin sako, nagbugtak nin abo sa payo, asin naglibot sa syudad. Makosog siyang naghaya saka mapait na nagtangis,

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 36:22

Dangan ginisi ni Eliakim, ni Sebna, saka ni Joa an saindang gubing sa kamondoan asin nagduman sa hade. Ibinareta ninda saiya an itinaram kan opisyal nin Asiria.

Isaias 37:14

An surat inako ni Hadeng Ezekias sa mga sugo dangan binasa. Pakatapos naglaog siya sa Templo, biniklad idto sa atubangan nin Kagurangnan,

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 36:24

Alagad dai lamang natakot o nagpahiling nin anoman na tanda nin pagmondo an hade, ni an siisay man sa mga opisyal niya.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.