Isaias 36:8 - Marahay na Bareta Biblia

⁸ Inaagyat ko siya sa ngaran kan emperador nin Asiria: tatawan ko siya nin duwang ribong kabayo kun makakakua siya nin siring kadakul na lalaki na malunad diyan.

Isaias 36:8 ပူးပေါင်းရင်းမြစ်များ

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

1 Mga Hade 20:18

Nagboot siya, “Dakopon sindang buhay, maski madigdi sinda sa pakiiwal o paghagad nin katoninongan an ipinagdigdi ninda.”

2 Mga Hade 14:14

Sinamsam niya an gabos na bulawan saka plata, an gabos na kasangkapan sa Templo sagkod an gabos na kayamanan sa palasyo. An gabos na ini dinara niya pagbalik sa Samaria kaiba an dakul na bihag.

2 Mga Hade 18:13

Kan ikakatorseng taon kan paghahade ni Hadeng Ezekias, sinalakay ni Senakerib na emperador nin Asiria an pusog na mga syudad nin Juda dangan sinakop an mga ini.

2 Mga Hade 18:23

Inaagyat ko siya sa ngaran kan emperador: tatawan ko siya nin duwang ribong kabayo kun makakakua siya nin siring kadakul na lalaki na malunad diyan!

Isaias 36:2

Dangan nagboot si Senakerib sa pinakahalangkaw niyang opisyal na magduman sa Jerusalem hale sa Lakis, kaiba an dakulang hukbo. Pinagbotan niya an opisyal na hagadon ki Hadeng Ezekias na sumuko. Nagtindog an opisyal sa dalan saen nagtatrabaho an mga paragibo nin tela, sa may kali na pinagbubulosan kan tubig hale sa itaas na sapa.

Isaias 36:7

Nagpadagos sa pagtaram an opisyal, “Tibaad sabihon nindo na minasarig kamo sa Kagurangnan na saindong Dios. Mga lugar na pagsasambahan saka mga altar nin Kagurangnan an rinumpag ni Ezekias kan sabihan kaini an Juda asin Jerusalem na magsamba sana sa altar sa Jerusalem.

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?