Isaias 36:16 - Marahay na Bareta Biblia

¹⁶ Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy patin mag-inom nin tubig hale sa sadiri nindang bubon

Isaias 36:16 ပူးပေါင်းရင်းမြစ်များ

Genesis 32:20

Sabihon nindong, ‘Kasunod mi na si Jacob na saimong oripon.’” Nagsaboot si Jacob, “Sa kadaklan kan regalo ko, mawawara na an saiyang kaanggotan sako. Kaya sa oras na masabat ko siya, papatawadon na niya ako.”

Genesis 33:11

Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

2 Samuel 8:6

Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

1 Mga Hade 4:20

An mga tawo sa Juda asin sa Israel siring kadakul kan baybay sa dagat; nagkarakan sinda saka nag-irinom asin mga maogma sinda.

1 Mga Hade 4:25

Mantang nabubuhay pa siya, ligtas na namuhay an mga tawo sa Juda asin sa Israel. An lambang pamilya igwa nin sadiring mga poon nin ubas asin higera.

2 Mga Hade 18:31

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy, patin mag-inom nin tubig hale sa sadiri nindong bubon

2 Mga Hade 5:15

Nagbalik siya ki Eliseo kaiba an gabos niyang tawohan dangan nagsabi, “Ngunyan naaaraman ko na mayo nin Dios sa bilog na daga kundi sa Israel sana. Kaya nakikimaherak ako na akoon mo an regalong hale sako.”

Mga Talinhaga 27:18

An nag-aataman nin higera magkakakan kan bunga kaiyan, asin an oripon na nagbabantay kan saiyang kagurangnan oomawon.

Mga Talinhaga 5:15

Magin maimbod ka sa sadiri mong agom; siya sana an tawan mo kan saimong pagkamoot.

Isaias 36:17

sagkod na paerokon kamo kan emperador sa sarong daga na pareho kan saindong daga, saen igwa nin mga ubasan na nagtatao nin arak asin igwa nin trigo na magigibong tinapay.

Mikas 4:4

Matoninong na mamumuhay an lambang saro sa tahaw kan sadiri niyang ubasan saka mga kahoy na higera, asin mayo nang magpapatakot saiya. An Kagurangnan nin mga hukbo an nanuga kaini.

Zacarias 3:10

Pag-abot kan aldaw na iyan, aalokon kan lambang saro saindo an saiyang kanatad na makisumaro saindo sa kaogmahan huli kan katoninongan asin katiwasayan, sa lindong kan saindong mga ubasan saka mga kahoy na higera.”

2 Corinto 9:5

Naisipan kong paenoton sako na magdiyan saindo ining mga tugang sa pag-andam kan limos na ipinanuga nindo, tanganing andam na iyan pag-abot ko. Magpapahiling iyan na talagang tudok sa boot nindo an pagtao, bakong napiritan sana kamo.

1 Samuel 11:3

Nagsimbag an mga lider kan Jabes, “Tawe kami nin pitong aldaw tanganing magpadara nin mga sugo sa bilog na daga nin Israel. Kun mayong maligtas samo, masuko kami saimo.”

1 Samuel 25:27

Ngunyan, akoa ining regalo na dinara ko saimo; tawan ini sa saimong mga tawohan.