Isaias 35:1 - Marahay na Bareta Biblia

¹ Mag-oogma an desyerto, asin mamumurak an kalangtadan.

Isaias 35:1 ပူးပေါင်းရင်းမြစ်များ

Ezekiel 36:35

Dangan mataram sinda, ‘An dagang ini na alang kaidto arog na ngunyan sa tatamnan nin Eden; an mga syudad na ginaraba, sinamsaman, mamondo, pinag-eerokan na ngunyan asin pinapapusog.’

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 27:6

Sa mga maabot na aldaw, an banwaan nin Israel, an mga kapagarakian ni Jacob, magkakaigwa nin gamot arog sa sarong kahoy, asin magsusupang dangan mamumurak sinda. Mapapano kan saindang bunga an bilog na kinaban.

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 40:3

Sarong tingog an nagkukurahaw, “Andama sa kalangtadan an dalan para sa Kagurangnan! Tanosa sa desyerto an sarong tinampo para sa satong Dios!

Isaias 29:17

Siring sa kasabihan, dai mahahaloy, an mahibog na kadlagan magigin kaomahan, asin an kaomahan mabalik sa pagigin kadlagan.

Salmo 97:8

Naghihimate an banwaan nin Sion asin naoogma; naoogma an mga aking babae ni Juda huli kan saimong mga paghukom, O Dios.

Salmo 48:11

mag-ogma an mga taga Sion! Mag-ogma an mga aking babae nin Juda, huli kan mga matanos mong paghukom!

Isaias 27:10

Gaba na an pinapusog na syudad. Mayo na nin nag-eerok diyan siring sa mayong laog na kalangtadan. Nagin iyan sarong pasabsaban nin mga hayop—sarong lugar na mapapahingaloan ninda.

Salmo 96:12

mag-ogma an kaomahan, asin an gabos na yaon diyan! Dangan gabos na kahoy sa kadlagan mag-aawit sa kaogmahan

Awit nin mga Awit 2:1

Saro sana akong burak nin Sharon, sarong lirio kan mga kapantayan.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Isaias 7:21

“Pag-abot kan panahon na iyan, maski sarong baka sana saka duwang kanding an inaataman nin sarong paraoma,

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 35:6

An pilay malukso dangan masayaw, asin an mga pola makurahaw sa kaogmahan. An mga burabod nin tubig mabulos pasiring sa desyerto;

Isaias 42:11

Pag-omawon kan desyerto asin kan mga banwa kaiyan an Dios; pag-omawon siya kan mga tawo sa Kedar! An mga nag-eerok sa syudad nin Sela magkukurahaw sa kaogmahan sa mga alitoktok kan kabukidan!

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.